У прыгарадзе Оршы паміж вёскай Ляўкі і г / п Копысь на высокім беразе Дняпра знаходзіцца філіял Дзяржаўнага літаратурнага музея беларускага песняра Янкі Купалы. Менавіта гэтае месца абраў паэт у 30-я гады мінулага стагоддзя для сваёй дачы і кожнае лета разам з жонкай праводзіў тут. На Аршаншчыне Купала напісаў вершы, якія склалі цыкл «Ляўкоўскі перыяд». Тут напісаў ён сваё знакамітае верш «Хлопчык і лётчык», перакладзенае на рускую мову М. Горкім. Экспазіцыя музея знаходзіцца ў былым доме лесніка.
Некалі паэт паспрабаваў перадаць, з чаго, на яго думку, складаецца, простае шчасце людское… Ну, памятаеце: “Простае шчасце людское, так, як і наша з табою, пэўна, складаецца з солі, з хлеба, сабранага ў полі…” У паэта ўспрыманне шчасця было менавіта такім… А ў іншых людзей — нашых з вамі землякоў, калег, суседзяў? Не сакрэт жа, што разуменне таго, што такое шчасце, каханне, сямейнае жыццё, у кожнага сваё. Ды што там — нават у аднаго і таго ж чалавека яно можа з гадамі мяняцца – ад “хачу вунь тую даўганогую бландзінку” ці “якая крутая тачка ў гэтага мачо” – да “дарагая, які смачны пірог у цябе сёння атрымаўся” і “мілы, ты адрамантаваў мой фен? Які ж ты ў мяне малайчына, я ўжо збіралася яго выкідваць”. А яшчэ псіхолагі сцвярджаюць, што жанчыны і мужчыны глядзяць на свет па-рознаму і ўспрымаюць яго неаднолькава… Напярэдадні Дня святога Валянціна нашы журналісты паспрабавалі высветліць, што ж укладваюць у адвечныя паняцці розныя людзі, з розным сямейным стажам, мужчыны і жанчыны, і задалі некаторым з іх адны і тыя ж пытанні. У выніку атрымалася скрыжаванне думак і поглядаў, якія часам скрыжоўваюцца са сваімі ж уласнымі…
