11-тапсырма. Сын есімнің орнына қолданылып тұрған белгісіздік есімдік- терін сұрақ қоя отырып анықта. Сөйлемдерді көшіріп жаз. 1. Қазақстан! – деймін ішімнен әрбір қарпіне көңіл құлағын тосып. 2. Ол қайсыбір сәттерде көңілі құлазып, жүрегі сыздап, ауылды аңсап отыратын еді. 3. Кейбір құрбы бүгін тату, ертең бату. 4. Жанынан әлдебір сұлба көлбеңдеп өткендей болды. 5. Әр- бір адамның өз пешенесіне жазылған тағдыры бар, кейбірі өзінің өмір жолында бұйырған адамына жолығады. 6. Оның осы әрекеті- не кейбір адамдар налыды.
Менің сүйікті кейіпкерім-Алдар көсе.Алдар көсе – қазақ ертегілері мен аңыз әңгімелеріндегі жарқын кейіпкерлердің бірі. Алдар көсе – дала халқы үшін жомарттықтың, адалдықтың және әділеттіліктің бейнесі. Оның қаруы садақ пен жебе емес, ақылы мен айлакерлігі болып табылады. Тапқыр әрі қу Алдар көсе жарлының баласы болса да өзінің айлакерлігінің арқасында сараң байларды, жалқауларды, ақымақтарды, тіпті шайтандарды да алдап, жазалаған. Ол әділетсіздікпен, қайырымсыз шық бермес шығайбайлармен күресіп, қарапайым халықты қанағандарды жек көрген.
Арыстан мен түлкі туралы ертегіАрыстан қартайды. Аңдарды бұрынғысындай аулай алмайтын болды. Енді аңдарды айламен аулағысы келді. Өзі үңгірде жатты да: — Аурумын, жүруге әлім жоқ, — деп барлық аңдарға хабар таратты.Аңдар бір-бірлеп арыстанның халін білуге келді. Арыстан аңдардың біреуін де қайтармады. Бәрі де арыстанға жем болды.Бір күні түлкі келді. Ол үңгірден алысырақ тұрды да:— Халіңіз қалай, тақсыр? — деп көңілін сұрады.— Халім нашар. Неге жақынырақ келмейсің? Берірек кел, түлкіжан, бір азырақ сөйлесейік? — деді арыстан.Түлкі:— Мен саған жақын барар едім-ау, бірақ саған кірген із бар да, шыққан із жоқ! — деп жүріп кетіпті.
