4- тапсырма. Қазақ халқы салт-дәстүр мен мерекелерге бай халық Соның ішінде Наурыз мерекесін бұрынғы ата-бабамыз бір ай мерекелеген екен. Бір-біріне жақсы тілектер айтылып, ойындар ойналып, салт-дәстүрлер орындаған. Қыстан аман-есен шықтық деп, Наурыз көже пісіріп, ағаш отырғызып, үлкендерден бата алған. Бір-біріне: Ақ мол болсын, Қайда барсан жол болсын, Ұлыс оң болсын, жақсылық болсын деп ақ тілектерін жаудырған Осы айтылған ақпараттарды қолдана отырып, құрылымын сақтап, қазақстандықтарға Наурыз мерекесімен құттықтау жазыңыз. Сөз саны: 30-40 [5]
Алты ай қыстың ақ қар, көк мұзы мен сақылдаған сары аязынан шаршап, көктемнің шуағын аңсаған шақта Жер Ананы бусантып, мейірім мен жылулық лебін ала келген Наурыз мейрамы құтты болсын! Қыс ызғары қайтып, төрт түлік мал төлдейтін, адамдардың аузы аққа, мал аузы көкке тиетін, жер бетіне шаттық орнайтын Наурыз құт әкелсін! Көктем құсы келіп, қысқы ұйқыдағы жануарлар оянатын қасиетті Ұлыс тойы оң болсын!
Ақ мол болсын,
Қайда барсаң жол болсын.
Алдыңнан шығып Қызыр, Ілияс,
Құрметпен саған қол берсін.
Бала-шағаң бақытты болсын,
Төрт түлік ақты болсын.
Ұлыс береке берсін,
Бәле-жала жерге енсін