Nikita43242

07.01.2021 13:19 •  Қазақ тiлi

5-сынып «Қазақ тілі» пәнінен 2-тоқсан бойынша жиынтық бағалау тапсырмалары

1-тапсырма. Мәтінді түсініп оқып шығып, төменде берілген тапсырманы орындаңыз.

Тұржан, фотограф: Хобби өмірлік ісіме айналды

–Фотоға түсіру әлеміне қалай келдіңіз?

–Өзім мектеп жасынан бастап ұйымдастырушылыққа жақсы болатынмын. Сонымен қатар музыкалық мектепте оқып, ән айтатынмын, жалпы айтқанда шығармашыл адам едім. Мектеп жасында кішкентай фотоаппаратыммен сыныптастарымды суретке түсіріп жүргенде, қызығушылығым өмірлік ісіме айналып кетті. Мектеп уақытында суретке түсіру мен үшін хобби болатын, ал қазір нағыз өнердің бірі деп есептеймін.

–Суретке қай жерде түсіргенді жақсы көресіз?

–Маған табиғатта суретке түсіру қатты ұнайды, ал студияда жарықтардың,

көлеңкелердің қосындысын қолдану бір керемет әсер береді. Дегенмен де табиғаттың

орны ерекше ғой!

–Ең алғаш түсірген суретіңіз есіңізде ме?

–Ең алғаш түсірген суретім, тұңғыш тапсырмам есімде. Сол уақытта несиеге

фотоаппартты сатып алдым. Досым хабарласып: «Cенің фотоаппаратың бар ғой, мектеп бітірушілерін суретке түсіруге қалай қарайсың?»,- деген еді. Мен үшін бастысы қаржы емес, бастысы- суретті сапалы түрде шығару.

- Сұхбатыңызға рақмет!

Сұхбаттасқан Ғалымжан Сәңкібаев

Тұжырымның дұрыс нұсқасын+ белгісімен көрсетіңіз. [ ]

Тұжырым Дұрыс Бұрыс

1 Мәтін кейіпкері мектеп қабырғасында жүргенде өз кәсібін таңдаған.

2 Б.Тұржан суретке табиғат аясында түсіргенді ұнатады.

3 Суретке түсіруші үшін маңыздысы – еңбегінің жақсы бағалануы.

2-тапсырма. Төменде берілген тапсырмаларды орындаңыз. [ ]

А) Ауыспалы мағынада берілген сөздердің тура мағынасын жазыңыз. Әннің аяғы, алтын уақыт, қазақ тілі, жас адам.

Ә) Берілген мақал-мәтелдерден омоним, синоним антоним және көп мағыналы болатын сөздерді анықтап, бағанға бөліп жазыңыз.

 Жаман сөз жылатады, жақсы сөз жұбатады.

 Ең тәтті де тіл, ең ащы да тіл.

 Айтулы достың малы бір, кемедегінің жаны бір.

 Ат жақсысын мақта, Адам жақсысын жақта.

 Талабы жоқ жас, Қанаты жоқ құс.

 Бітер істің басына, Жақсы келер қасыңа.

 Атақоныс – алтын мекен.

 Көне киім жаңаны сақтайды.

Кәрі әже баланы сақтайды.

3-тапсырма. Төменде берілген тақырыптың (екі сұрақтың) біреуін таңдап, 50-60 сөзден тұратын сиапттау эссесін жазыңыз. [ ]

1. Сіз «Уақыт» сөзінің мәні мен маңызын ойланып көрдіңіз бе? Бәріміз бұл сөздің мән-мағынасын білеміз, бірақ оның маңызы туралы аз ойланатын сияқтымыз. Халықта мынадай сөз бар: «Өмірдегі ең қиын үш нәрсе: сыр сақтау, уәдеде тұру және уақытты босқа өткізбеу». Сіз ең жақын досыңыздың бос уақытын қалай өткізетінін сипаттап, эссе жазыңыз (50-60 сөз көлемінде).

2. «Қазақстанның Қызыл кітабы» – Қазақстан Республикасы аумағында жойылып кету қаупі төнген және сирек кездесетін жануарлар мен өсімдіктердің сипаттамасы берілген арнайы басылым екені белгілі. Қызыл кітапқа енген қандай жануарлар мен өсімдіктерді білесіз? Жауабыңызды сипаттап жазыңыз (50-60 сөз көлемінде).

​