5 тапсырма.
Төменде берілген сөйлемдердің қайсысы
мәтіннің тақырыбы болады?
Сөйлемдердің дұрыс нұсқасын әрі қарай жалғастырып жаз.
Мәтіннің тақырыбы – сәнгерлерді таныту, себебі ...
Мәтіннің тақырыбы сән әлемінен хабардар ету, себебі ...
Мәтіннің тақырыбы - «Сымбат» сән үйін таныту, себебі ...
Дописать
7 класс

Технология кабинеті мектептің бірінші қабатында орналасқан. Кабинет екіге бөлінген. Қыз оқушыларға және ұл оқушыларға  арналған шеберханалар бар. Қыз балалар қолөнермен айналысса, ұлдар әр түрлі бұйымдар жасайды. Мұғалімдер оқушылардың еңбекпен айналысуына көмектеседі, ақыл-кеңестерін береді. Кабинет қабырғасында оқушылардың қолдарымен жаслған бұйымдар ілулі тұр. Кабинет өте көрнекті жасақталған. Оқушылар әр түрлі байқауларға қатысып жүлделі орындар алып жүр. Оқушылар еңбек сабағына бар ынталарымен қатысады. Өйткені сабақ өте қызықты және тартымды өтеді.

«Ата-баба дәстүрі ұрпаққа аманат» атты бағдарламасы бірнеше жыл өз жемісін беріп келе жатыр. Осы бағдарлама негізінде ауданымызда көптеген іс-шаралар аудандық оқу бөлімімен бірлесе отырып жүргізіліп келеді. Бұл бағдарламаны іске асыратын аталар мен әжелер. Ата десек, шаңырағы биік, еңселі ақ орданы елестетеміз, ал әже десек сол ақ орданың әрбір уығында береке-бірлік, қазына, шежіре тұрғандай елестейді. Ауданымыздағы 25 мектептің барлығында «Аталар алқасы», «Әжелер алқасы» құрылған. Әсіресе, Қабан жырау, Талапты, Еңбекшіқазақ, Жеңіс, Қызыларық мектептерін атап өтуге болады. Ашық тәрбие сағаты, диспуттар жиі өткізіліп тұрады. «Пейіліңді кеңге сал», «Ұлы сөзден ұлағат алайық», «Әке тағылымы», «Алғыс пен қарғыс» деген тақырыптарда өтетін сынып сағаттары мен кездесулер ата-анаға да, балаға да үлкен тәлім-тәрбие берері сөзсіз. Ауданымызда 4018 зейнеткерлер бар, солардың 65-70 пайызын әйелдер қауымы құрайды. Яғни, әрбір шаңырақта бір зейнеткер әже, ақылшы әже бар деген сөз. Ауданымызда ардагерлерге арналған аталар мен әжелер бөлмесі бар. Бөлме іші нақыл сөздермен, әртүрлі методикалық нұсқаулар, шежірелі фотосуреттермен жабдықталған. 
Аудандық мәдениет үйінің жанынан құрылған «Ақ әжелер» ансамблі бар, жетекшісі – мәдениет қайраткері Нүри Сүлейменов. Ауданда, облыста өтетін түрлі шараларға қатысып қана қоймай, төсек тартып, ауырып қалған ата-әжелеріміздің көңілін сұрап тұрады. 
Бүгінгі қоғамдағы өзекті мәселенің бірі – жас отбасыларын ажырасудан сақтап қалу. “Ене жақсы болса, жас отбасы ажыраспайды, бала жақсы болса, ата-ана қарттар үйіне бармайды”. Биылғы жылы алғаш рет «Отбасы күні» аталып өтті. Соған байланысты аудандық, облыстық баслымдарға «Үлгілі отбасы» айдарымен мақалалар берілді. Аудандық «Нұрлы Көксу» газетінің ұйымдастыруымен «Отбасы – мемлекет уығы» деген тақырыппен ток-шоу өткіздік. Жиналған халық қуанып, жылап тарқасты. Себебі, айта алмаған ойларын ене де, келін де, жас жігіт те «бет перде» арқылы ашық жеткізді. Бұл көрініс әркімнің санасына ой салды. Отырған көпшілік етек-жеңін жиып, кемшілікті өздерінен іздей бастады. Қалай десек те, көш басында аталар мен әжелер келеді. Қариясы бар ел, қазынасы бар ел емес пе? Ауыл-ауылды аралап білгенім, түйгенім, көптеген отбасы ата-енелерімен тұрады екен. Яғни, бұл келіннің жетістігі, ененің кемеңгерлігі.
Қазан айын қарттарды құрметтеу айлығы деп жатырмыз, олай болса, кіші буынға айтарымыз, қарттарды құрметтеңдер, барымызды бағалай білейік. Аға буынға айтарымыз, дұрыс қартая білу де өнер. Себебі, бізге қарар көз көп, көш те бізге қарап түзеледі. Үлкенге ізет, кішіге құрмет көрсетейік, ағайын!