Адамның бойындағының бәрі әдемі болуға тиіс. Себебі адамның сыртқы келбетіне қарап қана, оны сынау дұрыс емес. Адамның бойында ең әдемісі-ішкі жан дүниесі дер едім. Чеховтың : "Адамның бойындағының бәрі: келбеті де, киімі де, жан-дүниесі де, ойы да әдемі болуға тиіс. Мен көркі мен киіміне қарасам, көз сүйсіндіріп, бас айналдыратын адамдарды жиі көремін. Әп-әдемі сыртққы қабықтың ішіндегі жанның қап-қара болатыны сонша, оны ештеңемен жуып кетіре алмайсың"- деген керемет сөздері бар. Шынымен, ішкі жан дүние қап-қара болса, айналаға берер нендей көмегі бар? Тіпті сыртқы сұлулық та көмектеспейді. Адам көркі шүберек дейді. Иә, дұрыс. Дегенмен, атымызға затымыз сай жан болуға тырысуымыз қажет. Осыны бәріне түсіндіріп, айналамызды лас, пасық қылықтардан, әрекеттерден тазартайық.
