Адам қанша жыл өмір сүрсе де, қандай іспен айналысса да, өмірдегі ең ұмтылмас сәттер болып мектепте өткізген уақыт қалатын шығар. Мектеп-білім айдынындағы үлкен кеме. Осы кемеде он бір жыл уақытты әр бала өткізеді. Мектеп табалдырығын тарыдай болып аттап, он бір жыл бойы білім алып, таудай болып шығамыз. Алғашқыда мектепке келіп әрбір әріпті, әрбір санды жазып үйрену қалай қиынға соққан еді? Уақыт өте бәрі өзгерді. Жазуды да, оқуды білмейтін кішкентай балалар бүгін міне, мектеп бітіру туралы атестатты қолдарына ұстап, үлкен өмірге жолдама алды. «Қашан ғана осы мектепті бітіремін» деп ойлайтын кездер көп болып еді. Қазір сол мектепті бітіріп шыққаныма өзім сене алмаймын. Көзді ашып-жұмғанша уақыт тез өтті де кетті. Соңғы қоңырау осы жылы біз үшін расында да соңғы рет соғылды. Сонша асығып бітіргім келген мектебіммен қимастықпен қоштасып отырмын. Мектеп қабырғасында өткен қайран уақытты бағаламаппыз. Мектеп қабырғасында өткізген әрбір күн, әрбір қырық бес минут балалық шағымның балғын уақыты болып қала бермек. Мектеп «үлкен отбасы, ұстазымыз біздің ақылшымыз, анамыз, сыныптастарымыз жақын досымыз. Мектеппен қоштасу» балалықпен қоштасу. Мектепте біз шынайы дос табамыз, білім алып, өмірді үйренеміз. Мектеп бізге тірек беріп, жылулық пен бақыт сыйлайды. Ал ұстаздар болса бізге үйретуден еш жалықпас. Мектепте өткен уақыт адам өміріндегі шаттыққа толы кездер. Дәл осы кездер есімізде ең жарқын естеліктер болып қалады. Кейде бірінші сыныпта оқитын балаларға қарап, өзімде қайтадан сол шақтарға оралғым келеді. Басымнан қайтадан бастауыш сыныптағы қызықтарды өткізгім келеді. Өз мектебімді шын мәнінде жақсы көремін. Осында өткізген әр қырық бес минутты сағынатын боламын. Бүгін, мен – мектеп бітірген түлекпін. Мектебімен қимастықпен қоштасатын түлекпін. Арада біраз жылдар өтіп, мен, менің сыныптастарымыз үлкен азамат болып, әр қайсымыздың өз отбасымыз болады. Бірақ арада қанша жыл өтседе, қанша жасқа келсем де, қандай а ғын балалық шақтарым өткен алтын ұям-мектебім жүрегімнің төрінде болатыны анық. Мектебім маған үлкен өмірге жолдама берді, үлкен өмірге дайындады. Енді мектебім мен үшін жауапты емес, бірақ мен мектебімнің алдында әлі қарыздармын. Ендігі жолы алдыма үлкен мақсаттар қойып, асқар асуларды бағындырып, елім мақтан тұтатын азамат болғым келеді. Бұл менің мәпелеп өсірген әке-шешемнің, ақылшы ұстазымның, алтын ұям-мектебімнің алдындағы борышым!
Берілген сөздерді мағынасымен сәйкестендіріп жазу.
1) босаға - г) киіз үйдің маңдайшасы мен табалдырығын қосатын және кереге бекітілетін ағаш
2) маңдайша - а) екі босағаны жоғары жағынан ұстап тұратын берік ағаш
3) табалдырық - е) екі босағаны төменгі жағынан ұстап тұратын ағаш
4) күлдіреуіш - б) түндікті көтеріп тұратын ағаштан иіп жасалған бөлшек
5) шөміш - т) ожау
6) төсекағаш - в) керует
7) тұтқыш - д) қазанды оттан түсіргенде қолға киетін қолғап тәрізді киіз
8) ішік - л) іш жағы аңның терісінен тігіліп,сыртын матамен тыстаған жылы сырт киім
9) туырлық - м) кереге бойын шаңыраққа дейін жабатын киіз
10) үзік - к) туырлықтың бөлігі
11) белдеу - з) жел тұрғанда туырлық көтеріліп кетпес үшін үй сыртынан екі жерден тартылатын арқан
12) ши - и) киіз үйдің бөлшегі, шиден тоқылған бұйым
13)дөдеге - н) кереге басы тұсына оюлап жасалған әшекейлі киіз
14) түндік - с) шаңырақ үстінен жабылатын төрт бұрышты киіз
15) мосы - р) ілгегіне шелек, шәугім іліп тамақ пісіретін, үш тағанды темір құрал
16) ыңыршақ - п) өгізге жүк артуға не мінуге арналған ағаштан жасалған биік ер
17) ашамай - о) атқа мініп жүре алмайтын жас балалар үшін арнайы жасалған ер
18) аяққап - ж) көшкенде ыдыс-аяқ салатын киіз дорба