Жер жүзіндегі жұрттардың бәрінің де түрлі-түрлі мейрамдары болады. Мәселен, дін мейрамы, ұлт мейрамы, мемлекет мейрамы секілді. Өзгелерді былай қоя тұрып, өзіміздің сыбайласымыз орыс жұртын алсақ, бұл туралы қазақтың мақалы да бар: "Орыста мейрам көп, қазақта айран көп". Біздің қазақ айранға бай болғанымен: мейрамға жарлы екендігі осыдан да көрінеді. Жалпы мұсылман жұрттарына ортақ жылына екі рет келетін ораза, құрбан айттарын есепке алмағанда, бізде жалғыз-ақ мейрам бар, ол - Наурыз. Наурыз қазақтың шын мағынасындағы ұлт мейрамы. Наурызды қазақтан басқа Күншығыс жұрттарының көбі, мәселен, Үндістан, Иран, Ауған, Бұхар, Кавказ, Түркістандықтар да мейрам етеді. Бірақ бұлардың бәрін салыстырғанда Наурызды біздің қазақтың мейрам етуі айрықша сыйымды, артықша дәлелді. Неге десеңіз, марттың ескіше 9-ында, жаңаша 22-сінде күн мен түн теңеледі, қыс өтіп жаз жетіп, шаруа кенеледі. Қыс бойы ақ кебінін жамылып өлім төсегінде жатқан табиғаттың, жанды-жансыздың тірілуі кімнің болса да көңіліне шаттық беретіні анық болса, тіршілік жағынан қыстың өтуіне, жаздың жетуіне қазақтан артық тілектес, қазақтан артық қуанатын ел жоқ деуге саяды.Тіршіліктің арқауы алдыменен тамақ. Дүние жаратқаннан бері жанды-жансыздың бәрінің талас-тартысы, шынын айтқанда, тамақ үшін, күн көруі алдындағы айдап өсіріп жүрген малының амандық, жамандығымен байлаулы. Өнері, кәсібі, зауыты, фабрикасы бар, табиғатты қолданған мәдениетті елдер қыстың қысымын қазақтай көрмейді. Болмашы боранға, жауын-шашынға, топтанған бұлтқа, ауысқан желге, керек десе, жаңа айдың қалай туғанына шейін қазақтың зор мағына беруі әшейін еріккеннен тапқан ермегі емес, қыстың ауыр, я жеңіл өтуінен тіршілігі өзгеретін, жеңіл болса - құт, ауыр болса - жұт болатындығын байқаған тәжірибеден шыққан нәрсе. Дұрысында, қазақтың тамағы да, киімі де, үйі де, күйі де, көлігі де отарбасы да, телеграфы да, телефоны да мал емес пе? Малсыз қазақтың күні бар ма? Сол малын аман сақтау үшін қысқы аязда, ызғырық боранда бейнет шегіп, еңбек сіңіріп, малымен бірге жатып, бірге тұрып, бірге жүріп, бірге ығып, қыс қандай қысылса, жаз сондай жазылатын, жадырайтын шаруашыл, еңбекшіл қазақ қыстың өткеніне, жаздың жеткеніне қалайша өзгелерден артық қуанбасын, жаздың басы жаңа күн - Наурызды, қалайша мейрам етпесін. Соңғы жылдар қазақтың шаруасын күйзелтіп, байтақ елі ашаршылыққа ұшырап, ойын ойнап, тойын тойламақ түгіл, барар жер, басар тау таба алмай дағдырған еді. Енді, шүкір, аздап заман түзеліп, шаруасы оңалуға айналғаннан кейін, жұрт алдырмай-шалдырмай аман-есен жазға жетіп отыр. Сондықтан бұл Наурыз ел-елде қуанышпен қарсы алынып, шаруаның бір малы екеу болып, көңілі өсіп, жасы үлкендер құшақтасып көрісіп, жаңа өспірім жас буын қуанысып күлісіп, жанның бәрі дүнияға жаңа келгендей мәз-мейрам болса керек.
Біз үйге келген кезде олар болған,бірақ түс ауа салысымен кетіп қалды.(қарсылықты салалас құрмалас сөйлем) Біз-(кімдер?)бастауыш үйге келген кезде -(қашан?)пысықтауыш олар-(кімдер?)бастауыш болған-(не істеген?)баяндауыш түс ауа салысымен-(қашан?)пысықтауыш кетіп қалыпты-(не істеді?)баяндауыш
Бұл менің ең алғашқы ауылға келуім,себебі бұрын ауылға барғым келмейтін.(себеп-салдар салалас құрмалас сөйлем) келуім-(не істеуім?)баяндауыш ауылға-(қайда?)пысықтауыш ең алғашқы-(қашанғы?)пысықтауыш менің-(кімнің?)анықтауыш бұл-(қайсысы?)анықтауыш барғым келмейтін-(не істейтін?)баяндауыш ауылға-(қайда?)пысықтауыш бұрын-(қашан?)пысықтауыш
Біз-(кімдер?)бастауыш
үйге келген кезде -(қашан?)пысықтауыш
олар-(кімдер?)бастауыш
болған-(не істеген?)баяндауыш
түс ауа салысымен-(қашан?)пысықтауыш
кетіп қалыпты-(не істеді?)баяндауыш
Бұл менің ең алғашқы ауылға келуім,себебі бұрын ауылға барғым келмейтін.(себеп-салдар салалас құрмалас сөйлем)
келуім-(не істеуім?)баяндауыш
ауылға-(қайда?)пысықтауыш
ең алғашқы-(қашанғы?)пысықтауыш
менің-(кімнің?)анықтауыш
бұл-(қайсысы?)анықтауыш
барғым келмейтін-(не істейтін?)баяндауыш
ауылға-(қайда?)пысықтауыш
бұрын-(қашан?)пысықтауыш