Pushokznatok

21.09.2020 02:12 •  Қазақ тiлi

Адамзат құндылықтары мәтіндегі термин сөздерді тап

1-мәтін

Құндылық — объектінің жағымды немесе жағымсыз жақтарын білдіретін философиялық әлеуметтік ұғым. Философия тарихында құндылық көрінісінің заңдылықтары туралы жалпы түсінік 19-ғасырдың ортасында пайда болды.

Құндылық — мәдениеттің құрамдас бөлігі. Мәдениеттің құрамдас бөлігі болуы себепті құндылық адамдардың өзін ұстауын реттейді, олардың шынайы тәртібін айқындайды. Мәдениет құндылықтары, тиісінше, материалдық және рухани болып бөлінеді. Адамның тұлға болып қалыптасуында шешуші рөл атқаратын сала – рухани құндылық болып табылады.

Адамзат өз дамуының белгілі бір кезеңдерінде «құндылықтар әлемін» түзей бастады және оған үлкен құрметпен карап, өзінің дүниетанымын, іс-әрекетін саралай түсті. Тәрбиеленді, шығармашылықпен айналысты, жетіле түсті. Рухани құндылықтар мәдениеттің сақталуына, өрбуіне себепкер болды. Материалдық байлықты жасау күнделікті тіршілікке іргетас бола алады. Ал халықтың, өркениеттің болашағы және оның өміршеңдігі рухани құндылықтарды қадірлеумен, оларды дамытумен байланысты екендігін түсіне бастады.

Ұлттық мәдени құндылықтар дегеніміз не? Қарапайым тілмен айтқанда ұлттық мәдени құндылықтар – белгілі бір ұлтқа, ұлт азаматына тән зат, адами қадір-қасиет, яғни халық ғасырлар бойы жинақтаған ұлттық рухани және материалдық құндылықтар. Адамдардың бойында қалыптасқан имандылық қадір-қасиеттер рухани құндылықтарға, ал адамдардың қолымен жасалған тұтыну заттары мен кәсібі материалды құндылықтарға жатады.