Қар туралы мәліметтермен танысыңдар. Жалғауларды тауып, талдаңдар. Үндестік заңы бойынша түсіндіріңдер. Қардың 95%-ы ауадан тұратындықтан, оның құлау жылдамдығы өте баяу. Антарктида тауларында қызыл, күлгін, сары түсті қарлар кездеседі. Қардың сықырын -2°С температурада аяқпен басу арқылы естиміз. Жер шарының жартысына жуық елдері қарды өмірінде көрмеген.
Мәтінде қате жазылған сөздер:
1 сөйлемде: дәуірте – дәуірде (үндестік заңына байланысты қосымша жалғану ережесі)
3 сөйлемде: күннан – күннен (үндестік заңына байланысты қосымша жалғану ережесі)
4 сөйлемде: ғасырлер – ғасырлар (үндестік заңына байланысты қосымша жалғану ережесі)
6 сөйлемде: өзгеріслерге – өзгерістерге (үндестік заңына байланысты қосымша жалғану ережесі)
8 сөйлемде: әлемніің – әлемнің (артық әріп); Эвересте – Эверестте (жатыс септігінің –те жалғауы)
9 сөйлемде: салыстырқанда – салыстырғанда (үндестік заңына байланысты қосымша жалғану ережесі).
Бір нәрсе жайында сұрап білу мақсатында айтылған сөйлем сұраулы сөйлем деп аталады.
Сұраулы сөйлемге тән негізгі белгілер: 1) бір нәрсе жайында сұрап білу мақсатында айтылады; 2) сұрау есімдіктерінен және ма, ме, ба, бе, па, пе, ше (мы, мі, бы, бі, пы, пі, ші) сұраулық демеулік шылауларының қатысуымен жасалады; 3) сұраулы сөйлемнің өзіне тән интонациясы болады: бас жағы көтеріңкі айтылып, соңғы жағы бәсеңдемей, көтеріңкі қалыппен аяқталады; 4) сұраулы сөйлемнен соң сұрау белгісі қойылады.
Сұраулы сөйлемдер негізгі сұрақты, жетек сұрақты, анықтауыш сұрақты болып бөлінеді.
Негізгі сұрақты сұраулы сөйлем – бір нәрсе, оқиға, іс туралы мәлімет алу үшін қойылған бастапқы сұрақты сөйлем. Мысалы: Бізбен бірге саяхатқа барасың ба? Қазақтың қандай ұлттық аспаптарын білесің? Балаңыз мектепті қашан бітірген? Бұл сөзбен не айтпақсыз?
Негізгі сұрақ сұрау есімдіктерінен және ма, ме, ба, бе, па, пе, ше шылауларының қатысуымен жасалады.
Жетек сұрақты сұраулы сөйлем – негізгі сұраққа жауап алу үстінде қосымша туған ойға байланысты сөйлем. Мысалы:
– Іссапарға кімдер барады?
– Жас қызметкерлер барады.
– Біздер ше?
Жетек сұрақты сөйлем толымсыз болып құралады, көбіне тек сұрақ мағыналы сөзден ғана тұрады. Жетек сұрақ ше шылауының қатысуымен жасалады.
Анықтауыш сұрақты сөйлем – екінші жақтың сөзін анықтап алу үшін қойылған сұрақты сөйлем. Мысалы:
– Бұл ойды кім айтты?
– Тілек айтты.
– Тілек?
– Иә, Тілек.
Айтушының түрлі көңіл күйін білдіру мақсатында айтылған сөйлем лепті сөйлем деп аталады.