«Қазақ әдебиеті» пәнінен 1-тоқсан бойынша жиынтық бағалау тапсырмалары 1-бөлім
1.Аяз би неліктен өзін «жаманмын» деді?
A) Уәзірлерге көмектескені үшін
B) Ханның жұмбағын шешу үшін
C) Далада мал бағып жүргені үшін
Д) Өмір бойы біреудің босағасында жүргені үшін   [1]
2. Жаманның Аяз би аталу себебі неде?
A) әділеттілігінде
B) көрегендігінде
C) тапқырлығында
Д) ақылдылығында  [1]
3.Тіршілікте … бол төзімді,
Сан мәртебе алдаса да өзіңді.
… еш уақытта жазғырма,
Тіпті кейде болса әзәзіл азғырған, — көп нүктенің орнына қойылатын сөздер қатарын белгілеңіз.
A) болаттай, өміріңді
B) құрыштай,тағдырыңды
C) құрыштай, өміріңді
Д) болаттай,тағдырыңды  [1]
4. Доспамбет жыраудың «Айналайын, Ақ Жайық» жырына сәйкес келетін қатарды белгілеңіз.
A) туған жерді сағыну
B) өткен өмірді аңсау
C) елді жаудан қорғау
Д) елге деген сүйіспеншілік  [1]
5. Кілең бұздай кілшейтіп,
Көбелер киген өкінбес.
Жұпарын қардай боратып,
Арулар құшқан өкінбес…- қарамен берілген сөздерге сай қатарды анықтаңыз.
A) теңеу
B) эпитет
C) метафора
Д) параллелизм  [1]
2-бөлім
6. «Аяз әліңді біл, құмырсқа жолыңды біл» дегенді қалай түсінесіз? [2]
7. Осы заманда кімдерді «жаман» деп айтуға болады? [2]
8. Әл-Фарабидің «Өрге жүзер өнегелі ісімен, таңда адал дос өз теңіңнің ішінен» деген ойына өз пікіріңізді жазыңыз. [2]
9. Ғұлама Әл-Фарабидің қасиетін ашатындай 3 сын есім жазыңыз. [2]
10. «Сарыарқаның бойында, соғысып өлген өкінбес!» деген жолдардан не түсіндіңіз? Жыраудың өмір сүрген заманы қандай, елді кімдерден қорғады ? Өз ойыңызды жазыңыз. [2]
3-бөлім
11. «Аяз би» ертегісінің тәрбиелік мәні. Эссе жазыңыз. Сөз саны 120-150   [5]
​

Адам жүргенде, бір жұмыспен шұғылданғанда, автокөлік жүргізгенде, дене шынықтырумен айналысқанда,
өзіне массаж жасағанда, билегенде денесі үнемі қозғалыс үстіне болады. Түнде ұйықтап дем алғанда да дөңбекшіп, бір қырынан екінші қырына аунағанда да аяқ, қолы, басы мен кеудесі қимылдайды. Яғни, адам денесінің қозғалмайтын кезі жоқ. Ол сыртқы, ішкі әсерлерге де тітіркенгіш. Мұның бәрі дененің дамуына,
ағзаның үйлесімді жетілуіне әсер ететін жағдайлар. Негізінен, серуендеу, дене шынықтыру жасау адамның
ақыл-парасаты мен ойын да жетілдіреді.

Әрбір адамның жүрек түкпірінде бір сиқыр бар секілді. Бұл ғажайып сырға толы сандықта неше түрлі армандар, мақсаттар бар десеңші! Ал бұл сандықтың ең түбінде немесе кейде жарық жұлдыздай алға шоқ етіп шығатын бір нәрсе бар. Бұл не деп ойлайсыздар?
Бұл тамаша нәрсенің аты- өнер. Өнер – әр адамның бойындағы белгілі бір құдірет күші секілді. Кейде өмірден түңілген кездерде немесе көңіл-күй түсіңкі болған жағдайларда, қолыңа гитара алып, бір шерткеннің өзі, сол басыңнан өткен көптеген ауыр кезеңдерді титтей болса да ұмытуға мүмкіндік береді. Ал оның өзі қандай керемет дүние. Адамның бойындағы дарын, талант деген осы ғой, шіркін Бірақ өнер ол теке қана белгілі бір аспапты игере білу дегенге шектеліп қалмау керек, өнер – жан- жақты болады. Адамгершілік қасиетті сақтап жүру, адамдармен жақсы қарым-қатынаста болудың өзі, тіпті ауыр хабарды біле тұра, өзге жанға жеткізудің өзі – өнер. Сондықтан да өнер – менің өмірімнің үлкен бір бөлігі деп білемін. Өнерлі адам- өрге жүзеді, - демекші, өнердің құдіреттері арқылы әрқашанда биік шыңдарды бағындыратынымызға еш күмән жоқ екенін ұмытпаңыздар!