Зефирка170504

21.01.2020 03:02 •  Қазақ тiлi

Бірінші орында кіші Швейцария – Бурабай. Ол республикадағы ең танымал туристік бағыт саналады. Бұл жердің әсем табиғаты, көптеген қонақүйлері, шипажайлары мен дамыған инфрақұрылымы демалушыларға ұмытылмас әсер сыйлайды. Сондықтан болар бұл жер халық арасында екінші Швейцария деп аталып кеткен. Бұл жерде демалып қана қоймай, ем қабылдауға да бар жағдай жасалған. Бурабайда демалып үлгерсеңіз, онда Ұлы Жібек жолы бойымен экскурсиялық саяхатқа аттануға болады. Бұл бағыт ең танымал және тарихи-мәдени маңызды орындар арқылы өтеді. Жол бойында қазақ халқының бірегей сәулет және археологиялық ескірткіштері, атап айтсақ Айша-Бибі, Бабаджа қатын, Қарахан кесенелері орналасқан. Осы жерлерден ерекше рухани күш алуға болады. Халқымыздың пейілі сияқты кең, көңілі сияқты дархан даламызда жабайы табиғатпен қауышып, рухани азық алып, жері, суы мен ауасының шипасын көруге мүмкіндік бар.
1.Бурабайда демалумен қатар тағы қандай қызмет түрін көрсетеді?
A) фотоға түсіру
B) тауға өрмелеу
C) ем қабылдау
D) көлік жарыс [1]

2.Ұлы Жібек жолымен өтетін экскурсиялық саяхат қай қаламен өтеді?
А) Петропавл
В) Тараз
С) Ақтау
D) Семей [1]

3.Мәтіннен біріккен, тіркесті, дефис арқылы жазылатын сөздерге 2 мысалдан келтіріңіз.[3]

4.Мәтіндегі негізгі, 1 қосымша, 1 детальді ақпаратты ажыратыңыз. [3]

Жазылым тапсырмасы.
Анаңыздың айтулы мерейтойымен(45,50,60 т.б. жасқа толуы) құттықтап, құттықтаухат жазыңыз. Жазылым жұмысында тақырыптан ауытқымай, абзац түрлерін жүйелі құрастырып, екпін түрлерін қолданып, көрсете отырып, үлгіге сай, орфографиялық, пунктуациялық нормаға сай жазыңыз.

Дескриптор:
1. екпін түрлерін қолданады - ;
2.орфографиялық, пунктуациялық нормаға сай жазады - ;
3. жанрлық ерекшелігіне қарай тақырыпты ашады - ;
4. абзацтарды сақтау -