ЯумамыМолодец666

16.03.2020 20:09 •  Қазақ тiлi

Ерте ерте ертеде орман патшасы арыстан тоғайда ұйықтап жатады. Бір тышқан ойнақтап, үстінен жорғалап жүргенін сезіпті. Арыстан ұйқысынан ызаланып оянып, тышқанды ұстап алып, өлтірмекші болғанда тышқан жалбарынып: – Тақсыр, мені өлтірмеңізші, бір жолға кешіре көріңіз. Бір күні мен де бір қызметіңізге жарармын, – депті.
Арыстан оның сөзіне күліп:
– Сен өзің кішкентай бір тышқансың, менің қандай қызметіме жарамақсың, – деп жаны ашып, тышқанды қоя беріпті. Тышқан байғұс қуанып, «арыстан досым», – деп, жүгіріп ойнап кете беріпті.
Күндердің күнінде арыстан жортып ойнап жүріп, аңшылардың құрған тұзағына түсіп қалыпты. Тыпырлап, ақырып-бақырып жатса да тұзақтан құтыла алмапты.
Сол жерден өтіп бара жатқан тышқан арыстанның бұл халін көріп, қасына келіп қарап тұрса, сонда арыстан тышқанға қарап:
– Мені құтқара аласың ба? – депті. Тышқан дереу тістерімен тұзақтың жіптерін қиып кеп жіберіп, арыстанды тұзақтан құтқарыпты. Тышқан арыстанға:
– Мені кішкентайсың, – деп мән бермеуші едің. Міне сені бір ажалдан алып қалдым, – депті. Осылайша арыстан жасалған жақсылықтың қайтарымы болатынын жақсы түсініпті.
(146 сөз)
1. Мәтін мазмұнына сай ат қойыңыз. [1]
2. Берілген сөздің синонимін мәтіннен тауып жазыңыз баяғы заманда [1]
3. Берілген сұрақтарға мәтін мазмұны бойынша жауап жазыңыз.
1. Тышқанды арыстан өлтірмекші болғанда тышқан не айтты?
[1]
2. Арыстан нені жақсы түсінді?
[1]
4. Мәтін мазмұны бойынша жоспарды ретімен орналастырыңыз
​