Күн асқан сайын Әліштің жұмысының түрі өзгеріп отырды ... Әліш енді жолдың топырағын тегістеп , үстіне құм , тас қиыршықтарын тасуға тапсырма алды . Ол бұл жұмысты да бар ынтасымен істеді . Пойыз осы арадан өткенше асықты . Үйілген топырақтың үстінен тас төселді . Бір-екі рет жаңбыр жауған соң , әлгі тас төселген топырақ беріш болып қатып қалды . Тағы бір күн Әліш түйемен ағаш тартатын болды .
— Сергей , — деді Әліш , — осы топырақты , тасты , ағашты үйiп жатырмыз , ал пойыз қашан келеді ?
— Асықпа , Әліш , — деді Сергей , пойыз әлі-ақ келеді . Екеуміз сол пойызбен саяхат құрамыз . Әнеугі күні өзің айтқан әңгіме есіңде ме ? Алматыға осы жерден екі күн жүрдік деп едің ғой , енді сол Алматыға екі сағатта баратын боламыз .
Әліштің ойына болашақ өмірі келіп , өзін пойыз үстінде кетіп бара жатқандай сезінді ...
Әңгіме кімдердің арасында өтті ? Әңгімеге қандай тақырып арқау болды ? Ауыл адамдары неліктен Қопаға көшпек болды ? Шойын жол ауылға не үшін салынды ?
Жаңа түскен келінді «беташар» дәстүрі жасалмай ешкім көре алмайды. Оны көру үшін әдейі «беташар» жасалады. Оған тойға жиналған туыстуғандар тегіс қатынасады. Жас келіншектің екі жағында ауылдың екі көргенді келіндері тұрады. Мұнда «Беташар» жыры айтыла отырып, келінге оның атасы, енесі және басқа туыстары таныстырылып, келін оларға сәлем жасайды. Сәлем жасалған адамдар көрімдік береді. Бет ашатын жігіт әнін желдірте, асқақ әуенмен жыр төгуі керек. «Келін келді көріңіз, көрімдігін беріңіз», — деп бастаған әнші жігіт жас келіннің аталған жақындарына лайық әзіл-қалжыңдарын араластыра көрімдік сұрап, жұртты көңілді күлкіге қарық қылады. Беташар тойдың басы әрі сәні, жас келіннің жаңа өмірге бет алғанын білдіретін қызықты, салтанатты, ажарлы дәстүрлердің бірі. Беташардың бір түрі былай болып келеді: