Tjfjfjcgjgk

17.09.2020 18:10 •  Қазақ тiлi

Мəтінге нақтырақ тақырып таңдаңыз. І. Жақсылық жасау, біреуге қол ұшын беру, махаббат, құрмет көрсету – бұлардың барлығы да адамдық құндылықтар. Десе де осы құндылықтардың арасында өте нəзік бір құндылық бар, ол адалдық деп аталады.
ІІ. Баяғыда бір патша өмір сүріпті. Патша адамдық құндылықтардың барлығына бірдей мəн беріпті де, адалдыққа айрықша қарайды екен. Ұзақ жылдар бойы елін адалдықпен, əділдікпен басқарыпты. Өкініштісі, ол əбден қартайған екен. Патшаның ұлдан тұяғы болмапты.
ІІІ. Сондықтан да өзінен кейін таққа отыратын адамды халықтың арасынан таңдауға бекініпті. Патша мұрагер болуға лайықты адамды таңдау үшін қатты ойланыпты.
ІV.Ақыры бір ойға бекініпті. Елдегі барлық балаларды сарайға жинауды бұйырыпты. Сарайға мыңдаған бала жиналыпты. Патша балаларды аралап, алақандарына құйттай бір нəрсе салыпты. Сосын: «Сендерге бір-бірден дəн бердім. Үйлеріңе барғаннан кейін тұқымды отырғызыңдар. Бір айдан кейін маған кімде-кім ең əдемі гүл əкелсе, осы елдің менен кейінгі патшасы болады», - депті.
V. Риза болған балалар үйлеріне қайтыпты. Аналарынан құмыра алып, патшаның берген дəнін сол құмыраға отырғызыпты. Бұл балалардың арасында Яхия есімді бір бала бар екен. Ол да басқалар секілді анасынан бір құмыра алып, ішіне топырақ салып, дəнді отырғызыпты. Алайда арада он күн өтсе де, құмырада ештеңе де көктемепті. Яхия бұған қатты қапаланыпты.
VІ.Патшаның берген мерзімі бітіп, балалар сарайға карай бет алыпты. Құмыралар түрлі-түсті гүлдерге толыпты. Патша балалардың өсірген гүлдерін жеке-жеке тексеріпті. Бос құмыра ұстаған Яхияға бұрылып: «Сенің құтың неге бос?» - деп сұрайды. Яхия: «Сіздің берген дəніңізді бар ықыласыммен отырғыздым, бірақ еш нəтиже бермеді. Кешіріңіз, хан-ием,» - депті.
VІІ. Патша күлімсіреп: «Қапа болма, балақай. Осы елдің менен кейінгі патшасы сен боласың», - депті. Жиналған жұртшылық таңғалыпты. Патшаға жақын адамның бірі шыдай алмай: «Мұншама гүл өсірген балалар тұрғанда, бос құмыра əкелген баланы тандағаныңыз қалай?», - деп сұрапты. Патша: «Себебі маған ең керемет гүлді бос құмырамен мына бала сыйлады» - деп жауап қайтарыпты.
VІІІ. Патшаның көмекшісі одан сайын таңғалыпты. Патша: «Негізінде құмыралардың барлығы бос болу керек еді, себебі мен балаларға дəннің орнына қара моншақ таратқан едім. Бəрі мені алдады. Тек мына бала ғана шындықты көрсетті. Осы бала өскеннен кейін менің орнымды басып, осы елдің патшасы болмақ. Енді бəрі түсінікті ме?» - депті.
ІX. Патшаның көмекшісі де, жиналған жұртшылық та мəн-жайды түсініпті. Болашақта елінің аса əділ патшамен қауышатынын ойлап, көздеріне жас алыпты.
Алданғаннан болсаң да, алдағаннан болма
Адалдық жемісі
Адалдық пен арамдық
Адалдық – адам мінезіндегі бағалы қасиет