Дания29

11.05.2022 18:08 •  Қазақ тiлi

Мәтіннен жалғау жалғанған сөздерді табыңыздар, оларды түрлеріне ажыратыңыздар. Қорғансыздар
Бұл үйдің барлық жаны – үш-ақ әйел. Пештің жанында біріне-бірі тығылып бүрісіп отыр. Әйелдердің біреуі – сексеннен асқан, кәрілігі әбден жеткен кемпір, екіншісі – қырықтың шамасындағы әйел, үшіншісі – он үш жастағы қыз. Кемпірдің жасы қартайып, қуаты азайғандығы шын болса да, бетінде ерекше бір қайрат білінеді; еркек пішіндес кесек. Үлкен, жалпақ маңдайлы, қошқар тұмсықтау келген үлкен мұрынды. Тақырлау сұйық қабақтың астынан көрінген кішкене өткір көздері қажыған салқын жанармен жалтылдайды. Маңдайы мен екі ұртына түскен қатпары, қалың терең әжімдері - өмірінің талай қайғы, талай бейнетіне куә. Бұл кемпір – осы үйдің қазіргі қожасы. Ана әйелдің біреуі – келіні, біреуі – сол келіннен туған немере қызы. Келіннің пішінінде не жақсылығына, не жаманшылығына айғақ болған орасан белгі жоқ, орта пішінді, орташа жаратылған адам тәрізді... Бірақ бұның пішінінде де өзгеден бөтен бір жаттық бар. Қадағалап қараған кісіге ол көрінетін. Тұңғиық қара көздегі бір қараған жерден аумай ылғи жансыздықпен қарап тұрғанына көзі түскен адам бейшараның кім екенін айырушы еді. Ол жаңа арада екі көзінен айырылған су қараңғы еді. Бұл екі әйелге ермек, жұбаныш болып отырған – жас қыз. Ол – сыпайы нәзік болып өскен Ғазиза, жіңішке, сұңғақ бойлы, аз ғана секпілі бар, дөңгелек ақ сұр жүзді. Ғазиза– көрген көзге алғашқы жерден-ақ сүйкімділігін сездіретін уыз жас. Жалғыз-ақ ұяң, жұмсақ қарайтын қара көзінде және ылғи шытынған, кірбеңдеген қабағында қалың уайымның салған ізі бар. Пішіні мұңды, жүдеу. Жас басына орнаған қайғы, жүрегін жеген дерт сыртына шығып тұр.