Төлеген Айбергенов Ана Арманыңды ақтарам ба жүрегімде тербесем, Айға сіңлі, қарындассың қасиетті Жерге сен. Мен өзінді теңдесі жоқ құдірет деп түсінем, Сендік қуат мың есе артық Жердің тарту күшінен. Сұлу әлем, әлем сұлу сен жаратқан адаммен, Көк жолының қарсылығын қағып тастап барам мен. Сендік қуат болар, бәлкім, басын иді көк маған, Әр кез сенен туғанымды есіме алсам, тоқтаман. Ал ұмытсам, ұмыт болып қаларымды білемін, Ұмыт қалмау үшін менің шарқ ұрады жүрегім. Шат жүріп-ақ қас қаққанша боламын мен шерменде, Жетім емес кей ананың жетімдігін көргенде, Көз алдымда жас дөңгелеп булығам да ызадан, Маған тіпті сөз келмейтін ұяттардан қызарам. Бұл дүниеге онсыз-дағы кеткен жоқ па көп есең, О, аналар, кей пасықты жаратасың неге сен! Тасбауырлар дүниеге келсін де, тез кетсін де, Әлде өзгелер ондайлардан жиіркенсін дейсің бе? Қай кеудені жылытады лапылдаған отпенен, Өз кеудесін жылытуға құдіреті жетпеген. Анаң саған керек болса, балаңа да сен керек, Кезекпенен ауысатын ғұмыр ғой бұл дөңгелек. Ана керек, о, адамдар, ана керек адамға, Анасыздар аң сияқты күн кешіп жүр ғаламда. Пікірімді ұнатпаған таптық та дер дананы, Даналықтың қажеті жоқ сыйлау үшін ананы. II Білмедім мен, сен әйтеуір ораласың көп тілге, Киелі сүт құдіретімен әлде есейіп кеттім бе? Ана десе әйтеуір мен өзге сөзді есітпен, Құлағыма үн келеді қоңыраулы бесіктен. Құлағымда ол үн менің көрген емес толастап, Өйткені сен жылауыма қарсы болдың о баста-ақ.. Бүкіл әлем шуларына жіберді де сүңгітіп, Өзің қаққан қоңыраудан кетті маған тіл бітіп… Қоңыраулардың үні мені жетектеді қиянға. Қоңыраулардың үні мені шомдырды сан қиялға. Тұтқасынан ұстамақ боп дария – білім есіктің, Мектеп бардым, онан да мен қоңырау үнін есіттім. Ұстаз болдым. Сөз сөйлетті болашақтың мінбері, Көз алдымда қызыл ала қызғалдақтар гүлдеді. Дәл бүгін де нұрлы ертеңнің қоңырауы етіп тұр мені, Өміріме өзің қаққан қоныраудың үндері. Өзің қаққан қоңырауда өмір жыры бар екен, Оның үні тарқамайтын болды менің мерекем. Сол үнменен тыным таппай бақытымды күреймін, Өйткені мен мерекемнің тарқамауын тілеймін.
Биылғы жылдың 1-тамызынан 30 қыркүйегіне дейінгі аралықта республика бойынша «Мектепке жол» атты қайырымдылық акциясынан біздің мектеп те тыс қалған жоқ.
Аталған акцияның мақсаты: мектеп жасындағы барлық балаларды орта біліммен қамту проблемаларына жұртшылықтың және тұрғын халықтың назарын аударту; Осы мақсатпен мектебімізде қайырымдылық акциясына кәсіпкерлерді, меценаттарды, демеушілерді тарту жұмыстары жүргізілді. Мектебімізде көп балалы және табысы төмен отбасынан шыққан 14 оқушыға қолдау көрсетуде ата-аналар өз көмектерін аямады. Акцияға қатысқан ата-аналардың ішінен: Сарсенбай А -25000т; Болпаков М, Шиянбина И, Абраев Қ, Махамбетова А, Шапиева А -5000т; Тульжанов Б, Ахметбай Н. -10000т және 10б-сынып ата-аналарын атап айтуға болады. Жалпы жиналған қаржыларды есептегенде аз қамтамасыз отбасы балаларына (145000т) ақшалай , кеңсе тауарларымен көмек көрсетілді.
Мектеп әкімшілігінің хаты бойынша Ерлан Елемесұлы Упушев бастаған ЖШС «Майкубен-Вест» компаниясы әлеуметтік көмекке мұқтаж ға күзгі,қысқы куртка, аяқ киімдер, мектеп формаларын және спорттық киімдер әкеліп, мектебімізде таратты. Ата-аналарымыз мектепке телефон шалып, үлестірген киім сапасына көңіл толғандарын айтып жеткізді.
Адамға жақсылық жасау, қайырымдылық көрсету – халқымыздың мақтан етерлік дәстүрлерінің бірі. Қайырымдылық жасау тек қаржылай көмек беру емес, адамды қиын сәтте демеп, рухани да жәрдем беру. «Жұмыла көтерген жүк жеңіл», деп халқымыз айтқандай отбасының материалдық жағдайын көтеруге шамамыз келгенше тырыстық. Қолдау көрсеткен ЖШС «Майкубен-Вест» компаниясына , сынып ата-аналар кеңестеріне алғысымыз шексіз.
Мамандандырылған «Зерде» дарынды балалар мектебінің директордың тәрбие ісінің орынбасары: Исабаева Г.Б
Биылғы жылдың 1-тамызынан 30 қыркүйегіне дейінгі аралықта республика бойынша «Мектепке жол» атты қайырымдылық акциясынан біздің мектеп те тыс қалған жоқ.
Аталған акцияның мақсаты: мектеп жасындағы барлық балаларды орта біліммен қамту проблемаларына жұртшылықтың және тұрғын халықтың назарын аударту; Осы мақсатпен мектебімізде қайырымдылық акциясына кәсіпкерлерді, меценаттарды, демеушілерді тарту жұмыстары жүргізілді. Мектебімізде көп балалы және табысы төмен отбасынан шыққан 14 оқушыға қолдау көрсетуде ата-аналар өз көмектерін аямады. Акцияға қатысқан ата-аналардың ішінен: Сарсенбай А -25000т; Болпаков М, Шиянбина И, Абраев Қ, Махамбетова А, Шапиева А -5000т; Тульжанов Б, Ахметбай Н. -10000т және 10б-сынып ата-аналарын атап айтуға болады. Жалпы жиналған қаржыларды есептегенде аз қамтамасыз отбасы балаларына (145000т) ақшалай , кеңсе тауарларымен көмек көрсетілді.
Мектеп әкімшілігінің хаты бойынша Ерлан Елемесұлы Упушев бастаған ЖШС «Майкубен-Вест» компаниясы әлеуметтік көмекке мұқтаж ға күзгі,қысқы куртка, аяқ киімдер, мектеп формаларын және спорттық киімдер әкеліп, мектебімізде таратты. Ата-аналарымыз мектепке телефон шалып, үлестірген киім сапасына көңіл толғандарын айтып жеткізді.
Адамға жақсылық жасау, қайырымдылық көрсету – халқымыздың мақтан етерлік дәстүрлерінің бірі. Қайырымдылық жасау тек қаржылай көмек беру емес, адамды қиын сәтте демеп, рухани да жәрдем беру. «Жұмыла көтерген жүк жеңіл», деп халқымыз айтқандай отбасының материалдық жағдайын көтеруге шамамыз келгенше тырыстық. Қолдау көрсеткен ЖШС «Майкубен-Вест» компаниясына , сынып ата-аналар кеңестеріне алғысымыз шексіз.
Мамандандырылған «Зерде» дарынды балалар мектебінің директордың тәрбие ісінің орынбасары: Исабаева Г.Б