Теңге алу – ежелден келе жатқан көне ұлттық ат ойыны. Көшпенді халықтың тыныс тіршілігінде ат құлағында ойнайтын шабандоздық тәжірибе өмірлік қажеттілік болған. Теңге алу сияқты ат жарысында епті және мықты шабандоз жігіттер өздерінің күштері мен тапқырлығын көрсете білген. Ойын ережесі бойынша шабандоз жігіттер бір шапқанда жерге алдын-ала шашылған барынша көп теңгені жерден іліп алуы керек. Әдетте бір шапқанда орамалға түйілген теңгенің барлығын іліп алу мүмкін емес, сондықтан ойынға қатысушылар бірінен соң бірі артынша шабады. Ойынның қызығын арттыра түсу үшін тамашалаушы халық орамалға түйілген теңгеге қосымша өз теңгелерін қосып түйеді. Осылайша, ойын жалғаса береді, ал жеңімпаз шабандоздар іліп алған теңгелерін өздеріне қалдырады.
Әрбір бала өмірінде бір рет өзіне "Кім болғым келеді?" деген сұрақты қойған болар. Өз басым ойымды сан мәрте өзгертіп, осы сауалды өзіме өмір бойы қоюмен болдым. Ал қазір бағдарламашы болам деген шешімге келдім. Мұндай шешімді қабылдауыма бір жыл бұрын файлдар мен құжаттарды қарап компьютердің алдында отырғанымда компьютердің әр алуан мүмкіндіктерімен танысуым түрткі болды. Сондай-ақ бүгінгі күні математикалық бағыттағы мамандықтарға сұраныс жоғары екені мәлім. Ұлы Абай айтқандай, біздің өміріміздегі ең маңызды таңдау - жар таңдау мен мамандық таңдау болып табылады.
