Sapff1ra

08.05.2021 01:04 •  Қазақ тiлi

ОҚЫЛЫМ тапсырмасы. Төмендегі мәтінді мұқият оқыңыз, тапсырманы орындаңыз. 1-мәтін
Атақты театрлар
Бұл күндері театр үлкен мәдени ошаққа айналды. Қазіргі таңда кез келген мемлекетте бірнеше өнер ордалары тұрғызылған. Оның ішінде аты алты құрлыққа жайылған танымал театрлар бар.
Ковент-Гарден театры. Ковент-Гарден – Британия астанасы Лондонның белгілі ауданы. Танымал театрға аудан атауы берілген. 1732 жылы өз шымылдығын ашқан театр бірден танымал болып, Лондонның ең үздік өнер ордасына айналды. Ковент-Гарден 1808 және 1856 жылдары өртке оранды. 1858 жылы қазіргі ғимарат тұрғызылып, 1990 жылы күрделі жөндеуден өткізілді.
Гранд Опера театры. Париж қаласы Эйфель мұнарасымен ғана танымал емес. Франция елінің астанасында есімі көпшілікке белгілі Гранд Опера театры бой көтерген. 1669 жылы XIV Людовиктің келісімімен сазгер Камбер мен ақын Перрен театр негізін қалады. Ғасырлар бойы театр өз атауы мен мекен-жайын бірнеше мәрте өзгертті. 1875 жылы сәулетші Шарль Гарньенің жобасымен қаланың IX округінде театр ғимараты тұрғызылды. Орыс сазгері И.Стравинскийдің «Мавра» операсының тұсауы осы театрда кесілді. Қазіргі таңда Гранд Опера театрының атауы Гарнье Сарайы болып өзгертілді.
Үлкен театр. Мәскеу қаласында орналасқан Үлкен театр ғимараты 1780 жылы Неглинки жағасында салынған. Театр репертуарында балет пен итальян және орыс тіліндегі сықақ опералар болды. 1825 жылы театр жаңа ғимаратқа көшкен болатын. Үлкен Театрда П.Чайковскийдің «Черевичек», «Мазепа», С.Рахманиннің «Алеко», «Скупой рыцарь» т.с.с танымал опералардың қойылымдары өткен. Театрдың жайлы тарихи деректер әлі күнге дейін ел аузында.
Вена операсы. Әлемнің ең үздік театрларының бірі Австрия астанасы Вена қаласында орналасқан өнер ордасы 1869 жылы мамыр айында Моцарттың «Дон Жуан» операсымен ашылды. Театр ғимараты ІІ дүниежүзілік соғыс кезінде біраз қиратылды. 1955 жылы ғимарат қалпына келтіріліп, Бетховиннің «Фиделио» операсымен ашылды. Әр жыл сайын театрда 60-тан астам жаңа операның тұсауы кесіліп, театр жылдың 285 күні жұмыс істейді. Сондай-ақ, театр жыл сайын «Опера балын» ұйымдастырады.
Метрополитен Опера театры. Алып елдің Американың Нью-Йорк қаласында орналасқан Метрополитен Опера театры 1883 жылы Ш.Гуноның «Фауст» операсымен ашылды. Театр өнерінің ең жас корифейі Метрополитен Опера өз қызметін жеке және заңды тұлғалардың демеушілігімен ұйымдастырады. 1966 жылы театр Манхэттендегі Линкольн-центрге көшті. Театр сахнасында жылдың жеті айында күн сайын қойылымдар көрсетіледі.
2-мәтін
Қазақстандағы туризм туристердің көзімен
Туристердің айтуынша, біздегі ішкі баға өте қымбат. Қырғызстан және Өзбекстанға барған туристер бізге келіп, қымбатшылықты сезінетіндіктерін жеткізген. Бізге келуші туристерге елдегі тарихи мекендер, археологиялық қазбалар, ескі салтты сақтаған халықтың тұрмыс-тіршілігі қатты ұнайды. Бұл туралы Дагмар Шрайбер есімді жиһанкез қыз ағынан жарылды. Оған табиғат аясында жалғыз қалып, ешқандай топпен бірікпей серуенге шыққан жақсы. Ал Еуропада ондай мүмкіндер аз дей келіп, біздің елдегі қауіпсіздік пен жабайы табиғатта жалғыз қалудың мүмкін болатынын жеткізді.
Туристердің басым көпшілігі Алматыдағы «Жетісу» қонақ үйінде туристерге арналған арнайы база құруды ұсынады. Себебі бұл қонақ үй ішінде тоғыз жолдың торабы тоғысқан шет елдіктер көп келеді әрі бұл қонақ үй халықаралық «Ұлы Жібек жолына саяхат» бағдарламасының мүшесі ретінде саналады дейді. Сонымен қатар бұл жер тек қонақ үй емес, орталық болғанын қалайды. Шеттен келетін туристер негізінен Алматыға ат басын тірейді. Себебі бұл демалыс және мәдениет ордасы. Сондықтан келуші жиһанкездер осы орталықтан келіп қай бағытқа жол алатындары жайлы, қайда бару керек, қай жерде қандай ерекшелік бар, құндылықтар, жабайы табиғатта не бар деген секілді сұрақтарға жауап табуы керек.
Бұдан бөлек туристердің бізге келуіне басты себеп адам аяғы баспаған табиғатымызға тамсану. Себебі олардың жағалау да, ну орман да, биік таулар да, тіпті демалатын арнайы орындарда бар. Тек бәрінде саяхат орындары салынған, адам аяғы жететін мекендер. Ал Қазақстанда адам аяғы баспаған жабайы табиғат бар деп, оның ішіне: Жоңғар Алатауын, Іле Алатауын жатқызады. Болашақта туризм экотуризмге ауысып, адамдардың қызығушылығы оянады. Ал экотуризм үшін Қазақстан «Батыс-Шығыс» қақпасы ретінде таптырмас ел болары сөзсіз. Туристердің Қазақстан жайлы айтқан ойлары қуантады. Себебі кеше ғана егемендік алған елдің отызға жетпеген жасында бұл жетістік, бұл мақтау елді қамшылап, жігерлендірмесе, еліміздегі туризм саласындағы қызметкерлерді алдыға итермелемесе, кейін тартпасы анық.

1-тапсырма. Кестені толтырыңыз.

Мәтіннің жанры

1-мәтін
2-мәтін

Мәтін рәсімделуі

1-мәтін
2-мәтін

Мәтіннің құрылымы

1-мәтін
2-мәтін

ЖАЗЫЛЫМ
2-тапсырма. Жоғарыда берілген мәтіндердің бірін таңдаңыз. Мазмұн желісін сақтап, әр бөлігінен алынған ақпараттардан жинақы мәтін жазыңыз. Жинақы мәтінде жай сөйлем түрлерін қолданыңыз.