Озоглтавьте текст. Халық аңызы бойынша, «Қозы Көрпеш-Баян сұлу» күмбезі қаланған тасты басқа бір таудан әкелген. Тау мен Аягөз өзенінің бойында мыңдаған кісі атпен тізбектеле тұрып, қолдан қолға беріп жеткізіп тұрған. «Қозы Көрпеш-Баян сұлу» кешені халыққа үлкен әсер еткен. Аягөз өзенінің бойымен өтетін жолаушылар, ғалымдар, әскербасылар оған соқпай кетпеген. «Қозы Көрпеш-Баян сұлу» жырының қазақша ескі қолжазбасын алғаш рет (1827 жылы) тапқан – И. Беленицин. Бұл жырды Беленицин Пе- терборда сенатқа, білім орындарына апарып көрсетеді, қайдан тапқанын айтады. Бұл мәселе А.С.Пушкинге де таныс болады. А.С.Пушкиннің қағаздарының ішінде жырдың бір нұсқасы сақталған. «Қозы Көрпеш- Баян сұлу» жырының сюжеті А.С.Пушкинге ұнаған (Әлкей Марғұланнан).

Міне, қыркүйек туды, күз келді. Күн қысқарып, түн ұзарды. Аспаннан бұлттар қаптап, сіркіреп жаңбыр да жауып тұр. Күн сирек көрініп, аз жылытады. Анда-санда таңертең салқын болып қояды. Өткір суық жел арық малды, жұқа киімдіні тоңдыра бастады. Жұрт күземін алған, киізін де басып алды. Маса, шыбын, құрт-құмырсқа жоқ болып кетіпті, құстар да жылы жаққа ұша бастады. Қарлығаштар көптен көрінбейді. Аспанда тырналар да тізіліп ұшып барады. Ағаштардың жапырақтары сарғайып түсіп шөптер де қурап қалған. Егіншілер астығын жинап алып, шашындыда әр жерде ғана жаңбырға сарғайған шошақтар тұр, оларды де иелері тасып алуға шана жолын күтіп отыр. Ел тегіс биесін ағытып, пысық қатындар желі-ноқтасын кептіріп алды. Жаз күні көп байлағаны есіне түсіп, қымызшыл шалдар арық құлынын жаңа аяп отыр. Ер азамат қыстауды түзеп, кемпір мен шал, борбай балалар от басында отыр. Жаз рақат болса да, киіз үйдің күзді күні суығы-ай! Әне-міне дегенше күз де келді. Оны мен күнтізбеден ғана емес, ауа-райынан байқадым. Күн лезде суытты, ертең тіпті қар жауады деген болжам да бар. Көрерміз... Ауа райының өзгеруі адамдардың көңіл-күйіне қаншалықты әсер етеді екен. Бәлкім терісі қалың, тоңмойын адам суықты да, жапырақтардың сарғайып құлап түсіп жатқанын да елемеуі де мүмкін. Бұл рухани тұрпайылық па, әлде күштілік пе? Бұл туралы өте көп ойлар айтуға болады. Дегенмен де өз басым соңғы кезде ғана ауа-райының өзгерістеріне, тек ауа райы ғана емес, жалпы дүниедегі, өмірдегі өзгерістерге назар аудара бастадым. Адам қандай болсын бірібір кез-келген адамның ойларында қазір күздің сарыны байқалады. Сөйтіп табиғат адамға осылай да әсер етеді екен-ау. 

Тымақты ұру- бұл қазақтың ұлттық ойыны, аты бар, ерде отыра алатын, кез келген адам қатыса алады. Ойын шарты бойынша, биіктігі шабандоздың биіктігінен аспайтын, жерге қада қағылады. Оның жоғарғы жағына бас киім - тымақ киіледі. Онан соң ат үстіндегі адамның көзін байлайды, сосын " Тымақты ұрып көр!" деген сөздермен жібереді. Ат үстіндегі қолына қамшы алып, тымақты ұрып түсірмекші болады. Егер үш рет ұрғанында түсіре алмаса, ол тағы үш рет ұру үшін өлең айтады. Кім аз ұрып, тымақты тез түсірсе, сол жеңімпаз.