Сүхбатты интонация, кідіріс, логикалық екпінді дұрыс қойып оқыңдар. Жіктік жал- ғауларын табыңдар.
Бибігүл апай, қанша жасыңыздан əн айта бастадыңыз?
Кішкентай кезімнен-ақ ән айтатынмын. Анам: «Сен сөйлей алмай-
тынсың, бірақ әнді айта беретінсің», - дейтін. Үстелдің астына кіріп алып, жел-
дің уіліне салып әндетсем, анам: «Сен кімнің басына уілдеп отырсың?» деп,
отырған жерімнен суырып алады екен. Мен болсам астына қайта кіріп, уіл-
дейді екенмін. Әкем анама: «Әй, Майна! Осы қызым әнші болады. Көресің»,
дейді екен.
- Сіздің сүйікті әншіңіз кім еді?
Біздің заманымызда Күләштің алдына түсетін ешкім болмады. Жамал
Омарованың даусына қызығатынмын. Шабал Бейсекованың үніндей әдемі үнді
ешкімнен естімедім. Оның Джульеттаны, Байғали Досымжановтың Ромеоны
ойнағандағы дауыстары әлі күнге дейін құлағымда.

Ақтөбе бекінісінде 19 ғасырда үлкен қала бой көтерді. Қаланы бекініс атымен атап кетті. Ақтөбе – Батыс Қазақстанның экономикалық орталығы. Бұл қалада түрлі саладағы өнеркәсіп мекемелері орналасқан.Қаланың басты көшелерінің бірі Әбілқайыр хан даңғылының ескі атауы Ленин даңғылы болатын. Бұл даңғыл жол вокзалдан бастау алып, қала шетіне дейін созылады. Қаладағы қоғамдық көліктер үздіксіз қозғалады.Әбілқайыр хан даңғылының бойында Қобыланды батыр атындағы орталық стадион орналасқан. Бұл стадион футбол жарыстарын өткізу үшін салынған. Дәстүрлі жүгіру жолдары қарастырылмаған. Стадион құрылысы халықаралық стандарттарға сай. Бұл стадионда «Ақтөбе» клубы жаттығады.

«Тіл- тіршіліктің бастауы» деп бекер айтылмаған. Себебі, а ес білген кезінен бастап айналадағы жаңа ұғымдарды ана тілі арқылы қабылдап, үйрене бастайды. Ана тілін балалар ананың әлдиінен, бесік жырынан, қоршаған ортасынан еліктеу арқылы үйренеді. Есейе келе кітаптан, қоғамнан, халықтан үйреніп, меңгереді. Осылай ана тіліміз ананың ақ сүтіндей бойымызға сіңе береді. Әркім өзінің ана тіліне деген құрметін ешқашан жоғалтпауға тиіс. Өйткені, ана тілі арқылы ғана маңайындағыны саралап ой түйетін адам өзінің еліне деген сүйіспеншілігін арттыра түседі. Қазақтың ұлы тұлғалары Абай, Мағжан, Мұхтар, Сәбит, Жұбандар сөйлеткен қазақ тілі. Қазақ халқымен, бірге абыройлы да асқақ, сынақты да сындарлы тағдырды басынан кешірді. Тоқсан ауыз сөздің тобықтай түйінін түйіп, жүйелі сөзбен алқалы топты еңсерген ойшыл, шешендерді ел басқару ісіне арластырып, халық жүрегінде жатталған дала данышпандары, кемеңгер ойдың кемелді арнасы, тілінен бал тамған, қара қылды қақ жарған әділетті би- шешендер ұлылық пен ұлағат, өнеге мен тағылымның мектебі, аталы ойдың алтын қазығы бола білді. Тек ана тіліміз арқылы ата-анаға, елге, Отанға, халыққа деген махаббатымызды жеткізе аламыз. А өз анасын қалай сүйсе, өз тілін де солай сүюі тиісті екені анық. Табысқан соң дүние фәнименен, Тал бесікте жатқанда сәби денем. Ана тілі бойыма сіңдің шым-шым, Даусыменен анамның әлдилеген. Тіл- қастерлі де қасиетті ұғым. Ол әрбір адамға анасындай қымбат. Өмірдің алмастай қырын, абзал сырын түсіне білуіне басты себепкер- ана тілі.Тіл-қай елде болмасын қастерлі, құдіретті рухани, әрі тарихи құндылық. Ол достықтың кілті, ынтымақтастықтың бастауы, ырыс-берекенің алды, ұлттың әрі жаны, әрі ары. Тіл-өмірдің талай сынынан өткен, өскелең талаптарға сәйкес өрістей түскен толыққанды ақиқат екені анық. Ұлттық мәдениеттің гүлденуі, салт- дәстүрдің одан әрі дамуы, ұрпақтар арасындағы сабақтастықтың ұлы жемісі- ана тілі. Тас бұлақтың тұнығы да сенде, ана сүтінің жұғымы да сенде, райхан гүлдің жұпары да сенде, назды сұлудың нәзіктігі де сенде, сахара даланың жазықтығы да сенде қасиетті қазақ тілім!