Мен әр күнімді өте пайдалы өткізуге тырысамын. Әр күнімді мүмкіндігінше пайдалы істерге жұмсап, сол күнге құрған жоспарымды толығымен орындаймын. Онымен тоқталмай, қалған бос уақытымда қасымдағы жолдастарыма немесе көмекке мұқтаж жандарға барынша көмектесіп, жақсылық жасап та үлгеремін. Бір күнімді өткізердегі ұстанымым – «Әр күнді соңғы күн деп емес, жалғыз күн деп, ойыңа келген нәрсе істемей, мүмкіндіктер күні деп, осы бір күнде бүкіл өміріңе татитындай пайдалы, маңызды нәрсе істеу қажет». Ал менің таңдағаным – талмай еңбек ету. Оған менің бір күнімде жасаған іс-әрекетім дәлел болады деп ойлаймын.
Түр, түс, жүз, теңге сөздерінің синонимдері мен антонимдері.
Берілген сөздердің синонимдері:
Түр мен жүз сөздерін өзара синоним сөздер, ал бұл сөздердің синонимдері – бет, ажар, пішін, ұсқын, әлпет, бет, келбет, шырай, кескін, қалып, күй.
Түс – рең, өң, рай, бояу.
Теңге – ақша.
Берілген сөздердің омонимдері:
Түр: 1) адамның беті: оның түрі бұзылып кетті; 2) алуандылықты білдіреді: бұл киімнің бірнеше түрі бар; 3) іс-әрекет: шалбарыңды түр.
Түс: 1) адамдар ұйықтағанда көретін бейне: бүгін мен жақсы түс көрдім; 2) іс-әрекет: көліктен түс; 3) заттың сипаты: қарындаштың түсі қызыл.
Жүз: 1) заттың санын білдіретін сөз; 2) бет-әлпетті, түрді білдіретін зат есім; 3) пышақтың қайралған, өткір жағы; 4) қимыл мағынасындағы сөз.
Теңге: 1) бір затты теңге, яғни теңестір. 2) теңге (ақша).