Сөз құрамындағы бір немесе бірнеше дыбыстар тобынан жасалған фонетикалық бөлшек буындеп аталады.Дауысты дыбыстар буын құрауға негіз болады.Дауыссыз дыбыстар буын құрай алмайды. Сөздің құрамында қанша дауысты дыбыс болса, соншабуын болады. Мысалы, қарлығаштардың деген сөзде бес дауысты дыбыс бар, яғни сөз бес буыннан құралған.Қазақ тілінде буынның үш түрі бар: 1) ашық буын; 2) тұйық буын; 3) бітеу буын.Бір дауысты дыбыстан құралған және дауыссыз дыбыстан басталып, дауысты дыбысқа аяқталған буын ашық буын деп аталады. Мысалы, а-на, ба-ла, да-ла, бе-ре-ке, ә-ке, ша-ға-ла, же-ті, та-ға, т.б.Бір ғана дауысты дыбыстан құралған буын жалаң ашық буын деп аталады. Мысалы, ә-же, ұ-лы, ү-кі, а-та, т.б.Тұйық буын дауысты дыбыстан басталып,дауыссыз дыбысқа аяқталады. Мысалы, айт, өр, ант, ән, ұлт, аң, ұрт, үй, арс, ел, өрт, т.б.Дауыссыз дыбыстан басталып, дауыссыз дыбысқа аяқталған, яғни ортасы дауысты дыбысекі шеті дауыссыз дыбыс болып келген буынбітеу буын деп аталады. Мысалы, Бұлт, жер, қант, той, құрт, тау, жұрт, жез, төрт, дос, серт, гүл, мұрт, қол, бырт-бырт, сарт-сұрт, жарқ-жұрқ, сөз, көз, май, дөң, дүлдүл, мазмұн, жолдастық, т.б.
Жақсы адам әркезде айналасындағыларға қамқор болады, қолынан келген жақсылығын жасайды, жақсылық жасай алмаған күнде зиянын тигізбеуге тырысады. Ақыл адам бойындағы жақсы қасиет, қандай да бір істі бастамас бұрын ақылға салып, ойланып алған дұрыс. Ол танымал ақын, ел оны құрметтейді, өлеңдерін оқиды. Талантты адам түбінде мақсатына жетеді, өйткені талант кез келген адамда бола бермейтін табиғи сый. Адам ерінбей еңбек етуі қажет, еңбек әруақытта өз жемісін береді. Жақсы қарым-қатынас татулықтың белгісі, татулық бар жерде береке бар. Келін мен ене сыйластықта болса, бақыт пен қуанышқа кенеледі. Ертеңің жақсы болсын десең, бүгін ерінбеуің керек, сабағыңды жақсы оқып, білім алып, жақсы маман болсаң, келешекте оның рахатын көресің. Жақсы ұстаз шәкірттеріне үлгі, оны олар өмір бойы есінде сақтайды. Отбасында сүйіспеншілік болсын, үлкен кішіге қамқорлық жасасын, кіші үлкенге ізет көрсетсін.
