nastia296

22.05.2020 15:52 •  Қазақ тiлi

ТАПСЫРМАНЫҢ МӘТІНІ Берілген мәтіндерді мұқият оқып, кестені толтырыңыз

1 мәтін

Алматы қаласында кәсіпқой бокстан WBA Fedelatin WBA FideCaribe нұсқалары бойынша әлем чемпионы Қанат Ислам ба өз маслихатын өткізіп, журналистер мен жанкүйерлердің біраз сауалдарына жауап берді. Сұхбат еркін форматта өрбіді.

- Сіз боксқа қалай бет бұрдыңыз?

- Менің боксшы болуым - ағам Ерланның арманы еді. Ол менің чемпион болуымды қатты армандады. Ал, әкем болса мені молда қылмақшы болыпты. Бірақ, тентектеу болып өстім де, спортқа кетіп қалдым. Ағам жігіт адам мынандай болу керек деп, ақылын аямай, миыма құйып өсірді.

- Өз отбасыңыз туралы айтып өтсеңіз?

- Аллаға шүкір төрт балам бар. Отбасым Қазақстанда тұрады. Менің дайындалып, қиналған түрімді көрсе, олар шыдамайды. Ондай қиындықты тек спортшының өзі ғана біледі. Марқұм әке-шешем боксымды көрмей кетті. Жүректері толқып қарамайтын. Өзім спортпен айналысатындықтан туыстарымды қасыма жолатпауға тырысамын. Олар спортшының ішкі жай-күйін түсіне бермейді. Жеңсем де, жеңілсем де сырттан күтіп алыңдаршы деймін.

-Алғашқы бапкерлеріңіз кімдер?

-Алғашқы бапкерім - Дамир Буданбековтен, одан соң Нұрғали Сафиулиннен, Ғалым Кенжебековтен тәлім алдым. Өзімді бақытты боксшымын деп есептеймін. Егер осы кісілер ұстаз болмағанда ауылда қара домалақтардың бірі болып жүретін едім.

Cілтеме: stan.kz

2 мәтін

Ибраимов Ермахан Сағиұлы 1972 жылдың 1 - қаңтарында Жамбыл облысы, Т. Рысқұлов ауданында (бұрынғы Луговой) дүниеге келген. Әкесі - Ивраимов Сағи. Анасы - Ивраимова Жәмилә.

-1979 жылы А. С. Макаренко атындағы мектеп - интернатына барып, 1984 жылы алғаш рет бокс әліппесімен танысады.

Алғашқы бапкері - Бахшар Қарсыбаев

Жеткен жетістіктері:

1986 жылы жасөспірімдер арасындағы Қазақстан біріншілігінің чемпионы.

- 1987 жылы Алматы қаласындағы Қ. Мұңайтпасов атындағы арнайы спорт - интернатының түлегі.

- 1988 жылы Ростов – на – Дону қаласындағы КСРО чемпионатында КСРО чемпионы атанып, КСРО спорт шебері атағын иеленді.

- 1990 жылы Иркутск қаласында жастар арасындағы КСРО чемпионатында тағы да КСРО чемпионы атанып, КСРО құрама командасының сапына қабылданады.

- 1991 жылы ересектер арасындағы КСРО кубогының қола жүлдегері. (Украина, Семфиропаль қаласы)

- 1994 - 2000 жылдар арасында Қазақстанның жеті дүркін чемпионы.

- 1995 жылы І - Бүкіләлемдік әскери ойындардың чемпионы. (Италия, Рим қаласы), Азия чемпионы (Өзбекстан, Ташкент қаласы)

- 1996 жылы Атланта Олимпиадасының қола жүлдегері.

- 1997 жылы әлем чемпионатының күміс жүлдегері. (Венгрия,Будапешт қаласы)

- 1998 жылы Азия ойындарының чемпионы. (Тайланд, Бангкок қаласы)

- 1999 жылы әлем чемпионатының қола жүлдегері. (АҚШ, Хьюстон қаласы), Азия чемпионы (Өзбекстан, Ташкент қаласы)

- 1994 - 2000 жылдар аралығында Өзбекстан, Ресей, Түркия, Тайланд, Германия, Швеция елдерінде өткен көптеген халықаралық турнирлердің жеңімпазы.

- 2000 жылы Сидней Олимпиадасының чемпионы. Қазақстанға еңбегі сіңген спорт шебері

2000 - 2002 жылдары Ақтөбе қаласында бокс мектебін ашып, өзі алғашқы директоры болды.

2002 - 2004 жылдары бокстан Қазақстан құрама командасының бас бапкері.

2004 - 2007 жылдары Қазақстан Республикасы бокс федерациясының вице-президенті

2007 жылдан бастап республикалық бокстан Олимпиадаға даярлау орталығының директоры.

Жанұялық жағдайы: үйленген, 5 ұл, 1 қыздың әкесі

Cілтеме: http://bilimsite.kz/sport/5765-ibraimov-ermahan-sagiuly.html

1 - мәтін

1 Стилі

2 Тақырыбы

3 Мазмұны

4 Тілдік ерекшелігі

2 - мәтін

1 Стилі

2 Тақырыбы

3 Мазмұны

4 Тілдік ерекшелігі

Қазақ тілі Бжб 3тоқсан ,6сынып


​