Жолдың аты жібек саудасына байланысты шыққан. Жібек мата дайындау үшін табиғи жібек талшықтары керек. Табиғи жібек талшықтары тұт жібек көбелегінен алынады. Ересек көбелек жапырақ бетіне жұмыртқалайды. Ол жұмыртқаларды жұлдыз құрт немесе жібек құрты деп атайды. Жұлдыз құрт тек тұт ағашының жапырақтарымен қоректенетін болғандықтан, оны тұт жібек құрты немесе тұт көбелек деп атаған. Жібек халықаралық саудаға шығарылғанымен, оны өндіру жолын Қытай үкіметі өте құпия сақтаған. Соған қарамастан, құпия өндіру тәсілін Қытайдан жасырын түрде алып шыққандар болған. Олар жібек құртын қуыс қурайдың ішіне тығып, әйел адамдардың шашының арасына жасырған. Жібек жолы Қытай жеріндегі Хуанхэ өзенінің аңғарындағы аудандардан басталады. Ол Ұлы Қытай қорғанының батыс шетінен, Іле өзенімен Ыстықкөлге жетеді. Жол осы арада батысқа және солтүстік-батысқа қарай шығу үшін оңтүстік, солтүстік бағыттар болып тармақталады. 1. Мәтінге тірек болатын сөздерді табыңыз.
a) Жібек жолы, бағыт, Ыстықкөл
b) Жібек жолы, жібек саудасы, жібек құрты
c) Жібек талшықтары, жұлдыз құрт, сауда
d) Өндіріс, Қытай, Хуанхэ өзені
2. Мәтіннің негізгі идеясына сәйкес келетін тұжырымды анықтаңыз.
a) Жібек көбелегінің жұмыртқалауы
b) Жібек матаның дайындалу жолы
c) Жібек саудасы
d) Халықаралық сауданың дамуы
1.b)Жібек жолы, жібек саудасы, жібек құрты.
2. c)Жібек саудасы.
Мен осылай деп ойлаймын. Қате болса ренжімеңіз