Қазақ әдебиеті» пәнінен 1-тоқсан бойынша жиынтық бағалау тапсырмалары 1. «Күлтегін» жырының тақырыбын анықтаңыз.
А)әділдік
В)даналық
С)махаббат
Д) ел бірлігі [1]
2. Өлең шумағында кімнің бейнесі сипатталған?
Менің ерлігімді сұрасаң, Жолбарыс пенен аюдай. Өрлігімді сұрасаң, Жылқыдағы асау тайыңдай.
А)Қазтуған
В)Есімхан
С)Жиембет
Д) Күлтегін [1]
3. Берілген үзіндіде қазақ салт-дәстүрінің қай түрі көрініс тапқан?
- Әуелеп ұшқан алты қаз...
...Алдыңнан шығып Сансызбай
«Көкешім менің Төлеген,
Көрдің бе?» десе, не дейсің?
Сауытының көзі сетіліп,
Сынбай кетті дегейсің!
Баратұғын жеріне,
Жетпей кетті дегейсің!
А)сыңсу
В)жоқтау
С)естірту
Д) қоштасу [1]
4. Берілген эпизодтағы Төлегеннің жолға шығу себебін анықтаңыз.
Базарбайдың Төлеген,
Ерте туған көбеген.
Сексен жігіт қосшы алып,
Он бес жігіт басшы алып,
Ақжайыққа жөнеген...
А) Жібекті алып келу
В) Жар іздеу, қыз таңдау
С) Бекежаннан кек алу
Д) Ел шетіндегі жауды қайтару [1]
5. Өлең шумағы кімнің сөзінен алынған?
Адыра қалғыр көк Жайық, Аңырап қалған қонысым! Қонысымнан ауған соң, Кетпегей еді ырысым.
А) Төлеген
В) Жиембет
С) Күлтегін
Д) Қазтуған [1]
6. «Қыз Жібек» жырындағы Жібектің бойынан қандай қасиеттерді байқадыңыз? Ойыңызды жеткізіңіз (3-4 сөйлем).
[2]
7. Қазтуғанның қонысымен қоштасу себебі неде? Ойыңызды дәлелдеп жазыңыз (3-4 сөйлем).
[2]

8. Күлтегіннің бойынан қандай қасиеттерді көре алдыңыз? Нақты дәлелдер арқылы өз көзқарасыңызды білдіріңіз (3-4 сөйлем).
[2]

9. Жиембет жыраудың Есім ханға сес көрсете тіл қатуының себебі неде? Айтқан сындарымен келісесіз бе? Ойыңызды 3-4 сөйлем арқылы жеткізіңіз.
[2]
10. Буыршынның жалғыз қырқар азуы, Бөкеннің желіп өтер төрт саны, Бұғының ауыр қара мүйізі, Бидайықтың жалғыз соғары, Қашағанның ұзын құрығы, Ақ орданың тіреу сырығы...- деген жолдардағы көркемдегіш тәсілдің қолданысын түсіндіріп беріңіз (3-4 сөйлем).
[2]
11. «Күлтегін» жырындағы «Осы бір түркі елі ел болсын деп, бастаған ісіміз еді...» деген пікірді қалай түсінесіз? Жырдан дәлелдер келтіре отырып, өз көзқарасыңызды білдіріп жазыңыз.
[5]

Дүйсенбі - бұл күні оқу және жұмыс аптасы басталады, сондықтан жаңа өмір басталғандай болып көрінеді.
Сейсенбі - бұл аптаның екінші күні, кешегі күннен басталған істер жалғасын тауып, аптаның ортасына жақындай түсеміз.
Сәрсенбі - қазақтардың сәтті деп есептейтін күні, сондықтан бұл күні бастаған барлық істер сәтті болады деп сенемін.
Бейсенбі - бұл аптаның аяқталуы жақын деген сөз, бұл күні оқу, жұмыс жасау қарқыны күшейіп, осы аптада аяқталмаған істерді аяқтауға тамаша мүмкіндік бар.
Жұма - қасиетті күн. Бұл күні барлық ойлаған тілектерің қабыл болады дейді, сондықтан тек жақсы тілектер тілеп, аптаның аяғындағы шаруаларымызды нәтижелі аяқтауға тырысамыз.
Сенбі - аптаның демалыс күндерінің бірі, жақсылап демалып алуға мүмкіндік береді, бұл күні бәрі жеңіл әрі оңай өтеді. 
Жексенбі - жақсылап тынығып, келесі жаңа аптаға, жаңа белестерге жетуге жетелейтін, күш беретін күн. Жексенбіден кейін тағы бір жаңа өмір бастала береді.
Әр аптаңыз нәтижелі болсын!

Халқымызда «Бірінші байлық-денсаулық» деген сөз бар. Алайда, қазіргі таңда осы басты байлығымызды тұншықтырып отырған бір дерт, ол - темекіге тәуелділік. Бұл қазіргі ғана емес, болашақ ұрпақтың да денсаулығына ерекше қауіп төндіретін қатер. Дүниежүзілік денсаулық сақтау ұйымының деректеріне қарағанда, темекі шегудің салдарынан болатын аурулардан ХХ ғасырда 100 миллион адам көз жұмған, ағымдағы ХХІ ғасырда темекі Жер планетасының 1 миллиард тұрғынының өмірін алуы мүмкін. Жыл сайын миокард инфарктінен, инсульттен, обырдан, өкпе аурулары мен темекі тұтынумен байланысты өзге де аурулардан планетада 5 миллионнан астам адам көз жұмады және 600 000 жуық адам, оның ішінде төрттен бірін құрайтын балалар, енжар темекі шегуден қайтыс болады екен. Әлемде 90% өлім-жітімділік өкпе обырынан, 75% созылмалы бронхиттан және 25% жүректің ишемиялық аурулары темекі шегушілікпен негізделеді. Әрбір он секунд сайын планетада бір шылымқұмарпаз көз жұмады, ал 2020 жылға қарай бұл деңгей үш секундта бір адамнан қайтыс болу деңгейіне жетуі мүмкін. Мұндай қайғылы статистика Қазақстанда да кеңінен таралып отыр. Халықтың 27 пайызы немесе еліміздің әрбір төртінші тұрғыны никотинге тәуелділіктен зардап шегуде. Әсіресе, жас балалардың темекі тартатыны көңілді алаңдатады. Олардың 12 пайызы - 11 жаста, ал 5 пайызы 9 жаста темекі тартуды бастаған. Республикада 2013 жылғы сәуір айынан бастап сигарет қораптары пиктограммалармен темекішегушілікпен келетін обыр және өкпе эмфиземасы, миокард инфаркті, қол-аяқ гангренасы, белсіздік және бедеулік сияқты аурулардың фотобейнелерімен шығарылатын болады. Сарапшылар осындай шаралардан кейін бір миллионға жуық қазақстандық шылым шегуді тастайтынын болжап отыр. Бірқатар жылдар бойы Қазақстан Үкіметі халықаралық шарттарға сәйкес темекі өнімінің жарнамасын тыю, қоғамдық жерлерде, білім беру, мәдениет және денсаулық сақтау мекемелерінде темекі шегуге тиым салу сияқты жүйелі темекіге қарсы жұмыстарды атқарып келеді. Тек тыйым салумен темекішегушіліктің деңгейін төмендету мүмкін еместігі белгілі, сондықтан ата-аналар, оқытушылар, дәрігерлер бірлесе отырып темекішегушілікпен күресу бойынша кешеңді, тұрақты алдын-алу жұмыстарын жүргізіп отыру қажет. Кез-келген азамат өз денсаулығына жауапкершілікпен қарап, салауатты өмір салтын ұстану керек.