Үлгі: Жазғы демалыста ауылға барасың ба?
Жазғы демалыста ауылға барамын. Жазда бос уақыт көп болады. Ауылдың қасында көл бар. Көлден балық аулаймын. Қостұра тауына шығамын. Таудың суретін саламын.
Кейін саяжайға барамын. Саяжайда көшеттер бар. Көшетке күтім керек. Саяжайда алма жинаймын. Тамызда «Думанға» барамын.
Әлібектің достары жазғы демалысты жоспарлады. Саша тарихи қалаларды аралайды. Әнел саяжайға барады. Анна лагерьде демалады, өзенге шомылады. Әлібек ата-анасымен бірге сапарға шығады. Айару «Думан» ойын-сауық орталығына барады

Сыйлық беру сыйлық алған кездегідей адамды бақытқа, қуанышқа бөлейтін ерекше керемет бір амал. Сыйлық алғанда да бергенде де мән берілетін жағдайлар бар: Сыйлық берерде қарсыңдағы адамға оның талғамын ойлай жүріп таңдағаныңды білдіру керек. Сыйлықты күлімдеп шын жүректен беру керек. Бағасы жазылған этикеткасын алып тастау керек. Өзіңде бар болған нәрсе алып келсе де *менде мұндай бар еді* деп қарсыңдағыны қиын жағдайға түсірмеу керек. Басқа біреу арқылы жіберетін сыйлыққа бір қағазға өз атыңды білдіріп бір-екі жылы сөз жазып жіберу керек. Жалпыға бірдей қағида: Ешқашан қарсыңдағының бюджетінен асатын өте қымбат сыйлықтарды таңдамау керек. Сыйлық тікелей өзіңе берілген болса да, пакетті міндетті түрде әкелген адамның көзінше ашып, рахмет айту керек. Сыйлық біреу арқылы жіберілген болса телефон шалып, рахмет айту керек.

Мектеп кітапханасы

Дана халқымыз «Кітап - алтын қазына» десе, ал кітапхананы өз басым іші қазынаға толы алтын сандыққа теңер едім. Бізді білім нәрімен сусындататын ғалым, тілсіз мұғалім – осы кітап. Тағылымы мол тәрбие ошағына айналып отырған кітапхананың мектепте алар орны орасан зор.

Кітап адам өмірінде, әсіресе өскелең ұрпақтың өмірінде ерекше орын алады. Кітапсыз, еш білімсіз күніміз қараң болатын еді. Кітап оқу арқылы біз білімімізді шыңдап, сөздік қорымыз бен ой – өрісімізді кеңейтеміз. Сонымен қатар түрлі жанрдағы кітап оқу елді, жерді сүюге, талапты,

кішіпейіл болуға, мейірімді, әрі төзімді болуға баулиды. Кітап біздің рухани жан азығымыз, ал кітапхана – білім мекені.

Әрине, қазіргі заман ағымына қарай, техниканың дамығанына орай кітап оқу мен мектеп кітапханасына жазылу қалып барады. Дегенмен, менің ойымша осы мәселені барынша қолға алып, мектеп кітапханасының қорын кеңейтіп, қазіргі жастарға қызықты жазылған кітаптармен толықтырса, сонымен қатар түрлі әдеби кештер мен іс – шаралар ұйымдастырылып, жастарды кітап оқуға үгіттеу жұмыстары жүргізілсе, бұл мәселе оң шешімін табады деп ойлаймын. Сонда мектеп кітапханысының қоры көбейіп қана қоймай, оқырмандар саны да артар еді деп есептеймін.