Мәтінді мұқият оқып, етістерді теріп алып, тұлғасына қарай ажыратыңыз  

Аз уақыт ішінде көркі көз қуантар керемет астана салынды.ЭКСПО-ға дейін әлі де талай таңдай қақтырғызар ғимараттар салынуы мүмкін .Осының барлығы елбасының көрегенділік саясатының арқасында жасалынды.Қаланың сәулетіне барлық елдердің ең керемет сәулетшілері тартылып, барлығы атсалысты. Ұшақпен  Нұр-сұлтан қаласының әуежайына келдік. Сарыарқаның самалы  соғып тұр. Әуежай жақтан кірер жолда биік мемориал орнатылыпты. Ол – саяси қуғын көрген адамдарға арналған ескерткіш. Ескерткішке гүл шоқтарын қойдық.Қала Есіл өзенін бойлай орналасқан. Өзеннің қаланың қақ ортасымен өтуі де өзгеше әсемдік сыйлағандай. Зәулім үйлер мен көркі көздің жауын алатын әсем де, көркем ғимараттар көптеп салынған.

​

Мен ержеткенде үлкен мамандық иесі болғым келеді.Өзімнің таңдаған мамандығым ол-дәрігер.Мен дәрігер болған кезде ,балаларды емдегім келеді сонымен қатар үлкен ата-әжелердің де аман жүргенін қалар едім.Олардың аман сау жүргені мен үшін үлкен қуаныш болар еді.Жалпы осы мамандықты таңдаған себебім ата-анамның  менің жанымда ойнап-күліп жүрсе деймін.Егер елімізде дәрігерлер аз болса,онда  халықты кім емдейді?Сондықтан да,аз да болса медицина саласына үлесімді қосқым келеді.Дәрігер мамандығы үлкен  жауапкершілікті,ептілікті соным қатар сабырлылықты қатты қажет ететін қиын да,қисынды мамандық.
(8 предложений)

Ата – ана туралы мақал – мәтелдер.

Ананың көңілі балада,

Баланың көңілі далада.

* * * * *

Жалғыз баласы атқа шапса,

Атасы ауылда тұрып

Тақымын қысады.

* * * * *

Ана жақсылығын,

Ауырсаң білерсің.

Қайын жақсылығын,

Қырырсаң білерсің.

* * * * *

Баланың өзі болғандай,

Келіннің өзі келгендей.

* * * * *

Ата-ананың қадірін

Балалы болғанда білерсің.

Ағайынның қадірін

Жалалы болғанда білерсің.

* * * * *

Ақ шашты ана:

«Жастығым - балам» дейді.

Ақылды бала:

«Ай-күнім - анам» дейді.

* * * * *

Ана алдында – құрмет,

Ата алдында – қызмет.

* * * * *

Малды баққан өсірер,

Баланы тапқан өсірер.

* * * * *

Бала –

Ананың бауыр еті көз нұры.

* * * * *

Мылқаудың тіліне анасы түсінеді.

* * * * *

Бесіктегі баланың

Күлгенін көрген бір мұрат.

Алдынан түсіп ананың

Жүргенін көрген бір мұрат.

* * * * *

Өз кемеріңнен шыққан баланы

Бал сүтіңмен бағарсың.

Бал сүтіңмен бақпасаң,

Қайтіп көңілін табарсың?!

* * * * *

Мейірімі мол ананың –

Жүрегі жылы, қолы кең.

Кең пейілді атаның

Жүзі жылы, жолы кең.

* * * * *

Ақ жаулығы ананың –

Ақ көрпесі баланың.

* * * * *

Ана алақанының аясы –

Ақы шынардың саясы.

* * * * *

Ананың сүті – бал,

Баланың тілі – бал.

* * * * *

Ана сүтін ақтамағанды

Ешкім мақтамайды.

* * * * *

Әкеден – ақыл,

Анадан – мейір.