І. Мәтінді оқып, тест сұрақтарына жауап беріңіз. Ертеде бір бала өмір сүрген екен. Ол достарымен бірге доп қуалап, балалық шағын қызықты өткізеді. «Уақыты» да үнемі жанында бірге қуанып жүретін. Теледидар қарауға да, кітап оқуға да, достарымен ойнауға да уақыты жететін. Уақыт екеуінің арасында еш қиындық тумайтын.
Ол өскен соң әріптестері, қиын жұмыстары пайда бола бастайды. Бірде көлікті жөндеу үшін, енді бірде сүйіктісімен қыдыру үшін бала Уақытты аздап қысқартуды әдетке айналдырады. Ал Уақыт оның соңынан күлімсіреп ере береді.
Баланың достары оған қиындықтарын айтып, көмек сұрайтын. Ал бұл қиындықтардың әрқайсысы оның Уақытын қажет ететін. Ол уақытты өлтіргісі келмесе де, басқа адамдар үшін көп уақытын жоятын. Жездесі қалаға барып келуді өтінсе, енді бірде көршісі бірге отырып шай ішуді сұрады. Мұнымен қатар, теледидар, телефон, компьютер деген уақытты алатын нәрселер тағы бар.
Есейген шақта бала Уақытпен мүлдем қош айтысады. Күндердің бір күнінде оған баласы келіп:
- Әке, хайуанаттар бағына немесе киноға барайықшы! – деп өтінеді. Ол:
- Балам, кешір! Менің уақытым жоқ! – деп жауап қайтарады. Баласына есейген соң хабарласып:
- Балам, маған неге телефон шалмай кеттің? – деп сұрайды. Сонда баласы:
- Әке, айыпқа бұйырмаңыз. Менің уақытым жоқ! – деп жауап берген екен.
1. Ертеде кім өмір сүрген? [1]
А) бір отбасы
Б) бір қыз
В) бір бала
Г) тышқан мен мысық
2. Баланың балалық шағы қалай өтті? [1]
А) Жаман
Б) Көңілсіз
В) Қызықты
Г) Қызықсыз
3. Мәтінде қай жауап екі рет қайталанады? [1]
А) Менің уақытым жоқ!
Б) Менің уақытым көп!
В) Мені мазаламаңызшы!
Г) Маған ренжімеңізші
4. Баласы әкесінен не деп өтінеді? [1]
А) – саябаққа немесе дүкенге барайықшы!
Б) – маған неге телефон шалмай кеттің?
В) – хайуанаттар бағына немесе киноға барайықшы!
Г) – маған неге көңіл бөлмейсің?
5. Мына тұжырымдардың қайсысы мәтіннің мазмұнына сай келеді? [1]
А) Уақытты бағалау керек!
Б) Ата-ананы қадірлеу керек!
В) Уақытпен қоштасу керек!
Г) Тілді құрметтеу керек!
1. В
2. В
3. А
4. В
5. А