Ата-анаға не істесең алдыңа сол келеді. Бекер айтылмаған сөз. Халық қандай да бір дана сөздерді басынан өткеннен соң, кейінгілер біле жүрсін деп айтып кеткен. Мысалды алыстан іздеп не істейміз? Ертеде ата-аналар балалары мен бірге олар ержетіп, үйленіп, шаңырақ көтергенде де бірге тұратын болған. Балалар оларды тастап кетпеген. Ата-анасына құрмет көрсетіп, өз балаларына үлгі болған. Оны көріп өскен балалары өз ата-аналарына сондай қамқор болған. Дүние кезек екенін жастайынан санасына тоқып, көзімен көріп, соны іске асырып отырған. Ал, қазір бұл сөзге мән беріп, оны орындауға тырысатындар бар ма екен, бар болсада көп емес шығар. Ия, ата-анаға не істесең алдыңа сол келетінін, дүниенің кезек екенін ұмытпайық, достар.
Дүниеде не жұмсақ - Ананың алақаны. Ақ сүт берген, әлпештеген анашым, сіз мен үшін жарық айсын. Ана- бар болғаны үш әріптен құралған,бірақ мағынасы асқақ,бізге ауадай қажет,қадірлі де асыл анамыз. «Анасы бар адамдар ешқашан қартаймайды» демекші аяулы анамыз қасымызда жүрсе біз қиындық көрмейміз,өмірдің тәтті дәмін татып бақытты ғұмыр кешеміз.Менің гүлдің нәріндей аяулы да ардақты анашым бар.Түн ұйқысын төрт бөліп мен үшін аянбай еңбек етіп жан ұшырған анашым! Анам Сәукелесін кигенде күндей жарқырайды ,алқа мен сырғасын таққанда айдай,анамыздың бар болғанына Аллаға шүкіршілік айтамыз.
